Мавзу; Мирзачўл минтақаси Режа; кириш ўзбекистоннинг Мирзачўл минтақаси

Хўжалигининг умумий таърифи. Сирдарё вилояти мамлакат ҳудудий меҳнат тақсимотида асосан пахта етиштиришга ихтисослашган. Шу билан бирга вилоятда турли хил маҳсулот ишлаб чиқарадиган саноат корхоналари ҳам мавжуд.
қишлоқ хўжалигида пахтачилик мажмуасига кирувчи тармоқларнинг ривожланганлигини алоҳида таъкидлаш жоиз. Бундан ташқари, полиз экинлари етиштириш, ғалла ва чорвачилик маҳсулотлари билан минтақалар ичида алоҳида ажралиб туради.
2000 йилда қишлоқ хўжалик маҳсулотлари 100,2 фоизга ўсган. Ялпи ички маҳсулот ҳажмида қишлоқ хўжалигининг тутган ўрни 75,6 фоизни ташкил этади. Саноат маҳсулотлари ишлаб чиқариш ҳажми 2000 йилда 131,3 фоизга, халқ истеъмоли моллари 107,8, чакана савдо айланмаси 105,2 фоиз ва пуллик хизмат кўрсатиш 108,3 фоизга ошган.
Вилоятда электроэнергетика, енгил, озиқ­овқат саноат тармоқлари ривожланмоқда. Бу эса қишлоқ хўжалиги билан бир вақтда саноат ҳам тараққий этишига имкон туғдиради.
Саноати. Сирдарё вилоятида асосий саноат корхоналарининг сони 43 тага етган бўлиб, улар ҳудудда бутунлай янгидан барпо этилгандир. Саноат ишлаб чиқариш сўнгги 40­50 йил давомида шаклланган. 50­йилларда Мирзачўлни мажмуали ўзлаштириш мақсадида унинг қурилиш базаси яратилди ва пахта тозалаш саноати, озиқ­овқат ҳамда электр энергетика ривожланиб борди.
Вилоят саноатининг ҳозирги кундаги аҳволи бирмунча паст бўлиб, у бу жиҳатдан фақатгина Жиззах вилоятидан олдинда туради, холос. 1999-2000 йилларда саноат маҳсулоти ишлаб чиқариш ҳажми 112,2 фоизга ошган.
Саноат ривожланишида ёқилғи ресурслари бошқа иқтисодий районлардан, аниқроғи Шўртан газ конидан келтирилади. Республикамиздаги энг йирик Сирдарё ИЭСининг қурилиши муносабати билан бу ерда Ширин шаҳри барпо бўлди. ИЭСнинг қурилиши қишлоқ хўжалиги билан бир вақтда саноатнинг ривожланишига ҳам ижобий таъсир этди. Асосий саноат маҳсулот ҳажмида электр энергетика тармоғининг улуши 66.6 фоизга тенгдир.
Иккинчи ўринда енгил саноат туради, унинг умумий саноат тармоқларидаги ҳиссаси 11,8 фоизни ташкил этади, озиқ­овқат саноати 7,4 фоиз билан учинчи ўринни эгаллайди. Сирдарё вилояти саноати айнан мана шу тармоқларга ихтисослашган.