Мавзу: микроконтроллерли тизимларни созлаш режа

13-МАЪРУЗА
Мавзу: МИКРОКОНТРОЛЛЕРЛИ ТИЗИМЛАРНИ СОЗЛАШ
Режа:
13.1. Микроконтроллерли тизимларни созлаш восита ва усуллари.
13.2.Аппаратларни созлашнинг техник воситалари.
13.3. Дастурий таъминотни созлаш воситалари.
13.4. Дастурий таъминотни созлашнинг муаммолари.

Таянч иборалар: тизимни созлаш, хатоларни қидириш, аниқлаш, тўғрилаш, комплекс созлаш, умумтехник воситалар, мантиқий текширувчи, импульс генераторлари, ток индикаторлари.

Ҳар қандай электрон тизимни созлаш – бу лойиҳалаштирилган тизимда хатоларни қидириш, аниқлаш ва тўғрилаш жараёнидир. МК тизимни созлаш ўз таркибига аппарат воситаларни созлаш, дастурий воситаларни ва аппарат ҳамда дастурий таъминотни биргаликда комплекс созлаш босқичларини олади.

13.1. Микроконтроллерли тизимларни созлаш восита ва усуллари
Микроконтроллерли тизимининг аппарат воситаларини созлашни ўтқазиш учун аппарат ва дастурий созлаш воситалари қўлланилади.
Созлашнинг дастурий воситаларига аппарат воситаларни моделлаштириш тизими киради. У микроконтроллерли тизимнинг аппарат қисмини ишлашини тадқиқот қилиш ва кўп меҳнат талаб қиладиган макетлаштиришсиз аппаратурани ишлашидаги ҳатоликларни аниқлашга имкон беради.
Созлашнинг аппарат воситалари:

• 
  умумтехник воситалар;
  
• 
  мантиқий текширувчи;
  
• 
  импульс генераторлари;
  
• 
  ток индикаторлари.
  

Моделлаштириш тизимостиси аппарат воситаларни лойиҳалаштиришнинг замонавий компонентларидан биридир. У лойиҳалаштирилган қурилмани принципиал схемасига асосан ишлашини моделаштиришни, схемада қўлланилган компонентлар ҳақидаги кутубхона ахборотни ва моделлаштириш режасини қуришни бажаради. Объект билан уланиш қурилмасини лойиҳалашда созлашни моделлаштириш йўли орқали ўтказиш ва унинг натижаларини тизимнинг талаб этилган ўзини тутиши билан таққослаш мехнат сарфини ва вақтни сарфлашни жиддий қисқартиришга имкон беради. Математик моделлаштириш босқичи ва аппарат таъминотини принципиал схемасини лойиҳалаштириш ҳамда плата топологиясини шакллантириш тугаши билан тизим макетини қуриш ва аппаратурани алоҳида созлаш ўтқазилади.