Mavzu: Maxsus qorishmalar

Maxsus qorishmalar
Gidroizolyatsion qorishmalar. Gidroizolyatsion qorishmalar odatda portlandtsement, sulfat muxitiga chidamli tsement, gidrofob tsement va kengayuvchi tsement asosida tayyorlanadi. Ularning tarkibiga 1:2,5 yoki 1:3,5 (tsement:qum, massasi bo’yicha) bo’lib, suv o’tkazmaslik xususiyatini yanada yaxshilash uchun tarkibiga h’ar xil zichlashtiruvchi moddalar (natriy alyuminati, xlorli temir, bitum emulsiyasi, polimerlar, latekslar va boshq.) kiritiladi. Gidroizolyatsion qorishmalar doimo nam, suv yoki agressiv muxitlar tasirida bo’ladigan bino va inshootlarning qismlarini, yuzalarini suvashda ishlatiladi. İnektsion qorishmalar. İnektsion qorishmalar armaturasi avvaldan taranglanadigan temirbeton konstruktsiyalar tayyorlashda armaturani korroziyadan h’imoyalash maqsadida kanallarni to’ldirish uchun ishlatiladi. Ular tsement xamiri yoki tsement-qum aralashmasi sifatida tayyorlangan pasta h’olatida bo’lishi mumkin. Mayda to’ldirgich sifatida yiriklik moduli eng kichik, yuvilgan kvarts qumi ishlatish maqsadga muvofiq bo’ladi. Mineral bog’lovchi sifatida M400 va undan yuqori markali portlandtsement ishlatiladi. Tsementning sarfi 1m 3 qorishma uchun 1100-1400 kg va 1 m 3 tsement xamiri uchun 1300-1600 kg bo’lishi kerak. İnektsion qorishmaning siqilishga mustah’kamligi bo’yicha markasi kamida 300 bo’ladi. Qorishma aralashmasining qovushoqligini kamaytirish uchun tarkibiga LST, milonaft kabi sirtaktiv moddalar va S-3 singari superplastifikatorlar (0,1-1%, massasi bo’yicha) kiritish tavsiya etiladi. Akustik qorishmalar. Tovush yutuvchi suvoqlar tayyorlashda va aks sado h’osil bo’lmaydigan xonalarni suvashda akustik qorishmalar ishlatiladi. Mineral bog’lovchi sifatida portlandtsement, shlakli portlandtsement, oh’ak, gips, ular asosidagi aralash bog’lovchilar va kaustik magnezit ishlatiladi. Mayda to’ldiruvchi sifatida ko’pchitilgan perlit, pemza, keramzit va shu kabi g’ovak materiallardan olingan, yirikligi 3-5mm bo’lgan bir fraktsiyali qumlar ishlatiladi. Qorishmalarning o’rtacha zichligi 600-1200 kgm 3 bo’lib, ochiq g’ovakli strukturaga ega bo’ladi. Tamponaj qorishmalar. Neft va gaz quduqlarini, tonnellarni gidroizolyatsiya qilishda, tog’ jinslari yoriqlari va bo’shliqlarini to’ldirishda va boshqa joylarda tamponaj qorishmalar ishlatiladi. Bu qorishmalarni tayyorlashda maxsus tamponaj portlandtsementi, agressiv muh’itlarda esa sulfat muxitiga bardoshli portlandtsement ishlatiladi. Tamponaj qorishmalar juda tez qotuvchanlik xususiyatiga ega. Rentgen nurlaridan h’imoyalovchi qorishmalar. Ular barit qumi (VaSO4) asosida tayyorlanadi. Mineral bog’lovchi sifatida portlandtsement va shlakli portlandtsement ishlatiladi. Qorishma tarkibiga litiy, bor, kadmiy kabi engil elementlar qo’shimcha sifatida kiritiladi. Barit qumining eng yirik donasi 1,25 mm katta bo’lmasligi kerak. Qorishmaning o’rtacha zichligi 2200 kgm 3 atrofida bo’ladi. Ular rentgen kabinalari va boshqa maxsus binolar devorlari va shiplarini suvashda ishlatiladi.