Мавзу: Математика фанининг тарихи, методи ва метадалогияси

II.1.4. BERUNIY VA IBN SINO YOZISHMALARI 
Ibn Sino va Beruniy bir zamonda yashagan ikki buyuk siymo, Sharq fanining iftixori, qora 
zulmat  dan  iborat  feodalizm  davrida  chaqnab  yonayotgan  va  o‘z  nurlari  bilan  kelgusi  avlodlarga 
yorug‘ yo‘l, ko‘rsatgan ikki yulduz hisoblanadi. Ularning o‘tkir zehnlari, chuqur tafakkurlari, ajoyib 
iste`dodlari fan olamini yangi durdonalar bilan to‘ldirdi. Har ikki buyuk olim o‘sha zamon faniga 
doir  turli  murakkab  masalalarni  hal  etishga  birgalashib  qatnashdilar,  bu  masalalar  ustida  ilmiy 
bahslashishlar  o‘tkazdilar.  Beruniy  bilan  Ibn  Sino  orasida  olib  borilgan  ilmiy  bahslashishlar—
«Ilmiy savol-javoblar» nomli qo‘l yozma bizning kunlargacha etib kelgan. 
Falsafa, astronomiya va fizika masalalariga bag‘ishlangan bu asar — «Ilmiy savol-javoblar» 
fan  tarixida  katta  ahamiyatga  egadir.  Ibn  Sino  Beruniy  tomonidan  berilgan  18  ta  savolga  javob 
beradiki,  bulardan  10  tasi  Aristotelning  «Osmon  haqidagi  kitob»iga  va  8  tasi  «Fizika»  kitobiga 
tegishlidir. 
Ibn    Sino    Beruniy    tomonidan    berilgan    savollarga,  yunon  faylasufi  Aristotel‘  ta`limoti 
asosida javob beradi va bu javoblar mazmunini qisqacha tushuntirishga   intiladi. 
Masalan,  Beruniy  Aristotelning  «Osmon  haqida-gi  kitobi»da  bayon  etilgan  fikrlari 
to‘g‘risida  mulohaza  yuritib,  Ibn  Sinoga  shunday  savol  beradi:  «Nima  uchun  Aristotel‘  falakning 
markazdan  yoki  markazga  qarab  yo‘nalgan  harakati  yo‘qligini  sabab  qilib,  uning  yengilligi  va 
og‘irligi  yo‘q  ekanini  lozim  topdi?»—deb  so‘rabsan  (Beruniy  bilan  Ibn  Sinoning  savol-javoblari, 
Toshkent,  «Fan»,  1950).  Ibn  Sino  bu  savolga  javob  berib,  «Har  bir  tabiiy  jismning  tabiiy  o‘rni 
bordir. O‘z tabiiy o‘rnida bo‘lgan har bir narsani yengil ham, og‘ir ham emas deyishga dalil shuki, 
yengil  narsa  yuqoriga  harakat  qiladi,  uning  tabiiy  o‘rni  yuqorilik  bo‘ladi.  Og‘ir  narsada  ham 
shunday  hukmdir.  Chunki  og‘ir  narsa  tabiati  bo‘yicha  quyiga  harakat  qiladi,  uning  tabiiy  o‘rni 
pastlikdir  falak  jismdir,  ya`ni  falakning  tabiiy  o‘rni  bor.  Demak,  «Tabiiy  o‘rinda  bo‘lgan  narsa 
aslida, og‘ir ham emas, yengil ham emas,—degan masala isbotlanadi» degan  mantiqiy  mulohaza  
yuritadi. 
Beruniy tomonidan berilgan uchinchi savolda «Nima uchuy Aristotel va boshqa faylasuflar 
tomonlar soni 6 ta deb zikr qilganlar? Biz bu tomonlarni tayinlashda kub shaklini olaylik. Chunki 
kubning  6  tomoni  bor.  Kubning  har  yoniga  o‘zidek  6  ta  kub  qo‘yilsa,  u  kubning  hosil  bo‘lgan 
shaklini yana kubga aylantirish uchun kamchilik joylari to‘ldirilsa, hammasi bo‘lib 27 kub mavjud 
bo‘ladi. Boshqa yangi tomonlar avvalgi kubning qirra va burchaklariga tegadi. Tomonlar shu songa 
etmagan  taqdirda,  kublar  avvalgi  kubning  qaysi  tomoniga  tegadi?  Shar  singari  jismlarning  
tomonlari  bo‘lmaydi», deb  aytiladi. 
Matematik  tushunchalarni  o‘z  ichiga  olgan  bu  savolga,  Ibn  Sinoning  bergan  javobida 
hamma  hollarda  xam  jismlar  6  tomonga  ega,  deb  hisoblash  kerakligi,  har  bir  jismda,  uning 
shaklidan qat`i nazar uchta o‘lchov: uzunlik, kenglik, chuqurlik mavjud ekanligi  aytiladi. 
Ibn Sino yozadi: chunki falsafa tayin qilgan 6 tomon jismning  uzunligi,  eni   va  qalinligini  
chegavalovchilardir. Har bir jism chegarali bo‘lgach ravshandirki, u jismning bo‘yi, eni va qalinligi 
chegaralidir. Bundan ma`lumki, xar bir uzunlik, kenglik va qalinlikning ikki uchi bo‘lib, bu uchlar 
sanog‘i 6 va bularga 6 tomon to‘g‘ri keladi.