Мавзу: Логопедик массажнинг махсус таьлимда ахамияти

Массаж вақтида гавдв ҳолати

Массажни бошлашдан олдин боланинг гавдаси тўғри ҳолатда бўлиши, мускулларнинг бўшашига, эркин нафас олишига ёрдам беради.

Логопедик массаж давомида қуйидаги холатларда бўлиши мақсадга мувофиқдир:
Бола текс жойда тўғри ётади, қўллари гавда бўйлаб чўзилган, оёқлари эгилган. Боши тагида катта катта бўлмаган теккис ёстиқ. Логопед боланинг бош томонида туради.
Боланинг бошига баланд ёстиқ қўйилган ҳолда ярим ётган ҳолат. Логопед боланинг бош томонида туради.
2.2. Массажнинг асосий усуллари

Силаш: юзаки, чуқур силаш, бармоқлар билан силаш.

Уқалаш
Эзиш
Тебратиш
Кучли босиш
1. Силаш – бу асосий усул бўлиб, ҳар бир муолажада силашдан олдин бошланади. Силаш усули массаж давомида бошқа усуллар билан алмаштириб борилади ва яна силаш билан тугатилади. Силаш давомида қон айланиш яхшиланади. Мускуллар тонуси пасаяди, нафас тўғирланади.
Логопедик массажда асосан 3 та силаш усули қўлланилади: Юзаки, чуқур, бармоқлар тирнаб силаш.
А) Юзаки силаш – бу бир мунча мураккаб усул ҳисобланади. Бу усул юз мускуллари ва артикуляцион мусуллар тонусларини пасайтиришга қаратилади.
Бажариш техникаси: Логопеднинг бармоқлари (панжаси) тери бўйлаб юмшоқ ҳаракат қилади. Қўлнинг тери билан боғлиқлиги мулойим бўлиб, бола бу ҳаракатни аранг сезади. Бу ҳаракат бола терисида қизариш каби реакцияни келтириб чиқармаслиги керак. Юзаки силашни секин ва ритмик ҳолда бажариш лозим.


Б) Чуқур (илиб олувчи) силаш интенсив усуллардан бўлиб, чуқур жойлашган мускул ва томирлар рецепторларига таъсир этиш учун қўлланилади.
Маълум даражада марказий нерв системасига қўзғатувчи таъсир этади.
Бажариш техникаси: Қўл панжалари массаж қилинаётган бўйин ва юз қисимларида зич, текс ҳолда ҳаракатланиши керак. Ҳаракат узлуксиз ва секин давом этади.


В) Бармоқлар билан тирнашли силаш.
(Граблеобразное) – бу усул бошнинг соч қисмини массаж қилишда ўтказилади.
Бажариш техникаси: Бу харакатни бажаришда бармоқлар кенг очилган бўлиши керак. Массаж зич – айлана шаклларида ўтказилади.