Mavzu: Korxonalar faoliyatidagi soliqlar va boshqa majburiy to'lovlar hisobi «Soliqlar va boshqa majburiy to‘lovlar hisobi»

Mavzu: Korxonalar faoliyatidagi soliqlar va boshqa majburiy to'lovlar hisobi

1. 
   «Soliqlar va boshqa majburiy to‘lovlar hisobi» fanining predmeti va metodi
   
2. 
   Soliq hisobi siyosatining mohiyati.
   
3. 
   Soliq hisobining predmeti va ob’ektlari.
   
4. 
   Soliq hisobining tamoyillari va metodi.
   
5. 
   Soliq hisobining registrlari.
   

Islohotlarni amalga oshirishning bugungi bosqichida iqtisodiy qonunlarga amal qiluvchi tadbirkorlik sub’ektlarini rag‘batlantirish yo‘llaridan biri sifatida soliq yukini kamaytirish, soliqlarni unifikatsiya qilish tadbirlarini misol qilib keltirish mumkin.

Soliqlar va soliqqa tortish yo‘nalishidagi mutaxassislar mamlakatimizda amalga oshirilayotgan soliq islohotlarining ma’no -mohiyatini anglashi, iqtisodiy bilimlarga ega bo‘lishi bilan bir qatorda, xo‘jalik yurituvchi sub’ektlarning byudjet oldidagi qarz majburiyatlarining hisobini yuritish tartiblarini, soliqlar va boshqa majburiy ajratmalar hisob-kitoblarini hamda hisobotlarini tuzish ko‘nikmalarga ega bo‘lishlari zarur.
Bu ko‘nikmalarga ega bo‘lishda «Soliqlar va boshqa majburiy to‘lovlar hisobi» fanini o‘rganish alohida ahamiya kasb etadi.
Islohotlarni chuqurlashtirish va iqtisodiyotni yanada erkinlashtirish sharoitida buxgalteriya hisobining tarkibiy qismi bo‘lgan «Soliqlar va boshqa majburiy to‘lovlar hisobi» fani shakllanib, rivojlanib boradi. Ya’ni «Moliyaviy hisob», «Boshqaruv hisobi» fanlari kabi «Soliqlar va boshqa majburiy to‘lovlar hisobi» fani ham alohida fan sifatida o‘zining predmeti va metodiga, maqsadi va vazifasiga egadir.
«Soliqlar va boshqa majburiy to‘lovlar hisobi» fanining maqsadi bo‘lib, soliq hisobini tashkil etishning va yuritishning nazariy masalalarini o‘rganish, amaliy bilimlar va ko‘nikmalarga ega bo‘lish va shu bilan birga korxonalarning soliqqa tortish tizimi to‘g‘risida bilimlarni tizimga solish va O‘zbekiston Respublikasi soliq qonunchiligiga moslashtirilgan soliq hisobotini tuzishdan iboratdir. Shu bilan birga, talabalarga soliq siyosati kontseptsiyasini chuqur o‘rgatish va amaliyotda qo‘llashga kerak bo‘ladigan bilimlarni shakllantirish – fan vazifalari hisoblanadi.
«Soliqlar va boshqa majburiy to‘lovlar hisobi» fanining predmeti bo‘lib – soliqlar va majburiy to‘lovlarni hisoblash, byudjetga to‘lash, ularni hisob registrlarida aks ettirish. hisobot tuzishning nazariy-uslubiy tashkiliy asoslarini yoritish hisoblanadi.