Мавзу: компьютерда масала ечишнинг босқичлари. Саноқ системалари масалаларни ЭҲМда ечиш босқичлари

 
 
 

---

15 
Дастурлаш тилларининг синфлари 
Алгоритмни ифодалаш учун дастурлаш тиллари деб аталувчи суньий 
тиллар қўлланилади. Бунинг учун ишлаб чиқилган алгоритм шу тиллар 
ёрдамида бир маьноли ва ЭҲМ тушуна оладиган кўринишда тавсифланиши 
зарур. Унинг таркибида чекланган сондаги синтаксис конструкциялар тўплами 
бор бўлиб, у билан алгоритм яратувчи таниш бўлиши керак. Ана шу 
конструкциялардан фойдаланиб буйруқ ва кўрсатмалар формал ифодаларга 
ўтказилади. 
Замонавий дастурлаш тиллари ЭҲМнинг ички машина тилидан кескин 
фарқ қилади ва ЭҲМ бевосита ана шу тилда ишлай олмайди. Бунинг учун 
дастурлаш тилидан машина тушунадиган тилга таржима қилувчи махсус дастур 
транслятордан фойдаланилади. Дастурни трансляция қилиш ва бажариш 
жараёнлари вақтларга ажралади. 
Аввал барча дастур трансляция қилиниб, сўнгра бажариш услубида 
ишлайдиган трансляторлар компиляторлар деб аталади. 
Дастлабки тилнинг хар бир буйруғини ўзгартириш ва бажаришни кетма-
кет амалга ошириладиган трансляторлар интерпретаторлар деб аталади. 
Дастурлашнинг ихтиёрий тили белгилар мажмуини ва алгоритмларни ёзиш 
учун ушбу белгиларни қўллаш қоидаларини ўз ичига олади. Дастурлаш 
тиллари бир-биридан алифбоси, синтаксиси ва семантикаси билан ажралиб 
туради. 
Алифбо - тилда қўлланиладиган кўплаб турли рамзий белгилар (харфлар, 
рақамлар, махсус белгилар). 
Тилнинг синтаксиси жумлалар тузишда белгиларнинг боғланиш 
қоидаларини белгилайди, семантикаси эса ушбу жумлаларнинг мазмуний 
изохини белгилайди. 
Хозирги кунда дастурлаш тилларини у ёки бу белгиси бўйича синфлаш 
мумкин. Дастурлаш тилининг ЭҲМга боғлиқлик даражаси бўйича синфлаш энг 
умумий хисобланади (1-расм). Юқорида айтилган белгига қараб, дастурлаш 
тиллари машинага боғлиқ ва машинага боғлиқ бўлмаган тилларга бўлинади. 
Машинага боғлиқ тиллар, ўз навбатида, машина тиллари ва машинага 
мўлжалланган тилларга ажратилади. 
Дастурлаш тилининг машина тилига яқинлиги даражасини таьрифлаш 
учун тил даражаси тушунчаси қўлланилади. Машина тили 0 даража деб қабул 
қилинган бўлиб, саноқ боши хисобланади. Одамнинг табиий тили энг юқори 
даражадаги тил деб қаралади. 
Машинага боғлиқ бўлмаган тиллар хам иккита турга бўлинади: биринчиси