Мавзу: Кириш. Фан мақсади, вазифаси ва долзарблиги. Моделлаштириш назариясининг асосий тушунчалари ва моделлаштириш турлари

2. Моделлар ва моделлаштириш кўринишлари

Моделлар қандайдир физик объектлар ёрдамида реализация қилиниши – физик моделлардан иборат бўлиши ва бирор формаллашган тилда ифодаланувчи абстракт объектлар – абстракт моделлар сифатида берилиши мумкин.

Физик модел деб, одатда, оргиналга эквивалент ёки ўхшаш, аммо бошқа физик табиатга эга системага аталади.
Абстракт моделлар жумласига моделлаштириш объектининг тавсифлайдиган математик ифодалар киритилиши мумкин. Улар математик моделлар синфига тегишли.
Математик модел – берилган объектнинг муайян хоссаларини ўрганиш максадида унинг тадқиқотчи-субъект томонидан қандайдир формал (математик) система ёрдамида қуриладиган образидир.
Системани абстракт ифодалаш воситаларига кимёвий формулалар, схемалар, чизмалар, хариталар, диаграммалар ва шу кабилар тилини киритиш мумкин.
Физик моделларнинг кўринишлари: а) натурал; б) квазинатурал; в) масштабли; г) аналогли.
Натурал моделлар — бу реал (моддий) тадқиқ этилаётган системалар(макетлар, тажриба нусхалар). Улар оргинал билан тўлиқ адекватлик(мослик) хусусиятига эга, аммо қиммат.
Квазинатурал моделлар — натурал ва математик моделлар мажмуасидан иборат. Бундай кўринишдаги моделлардан система кисмининг моделини, унинг тавсифи мураккаб бўлгани учун, математик ифодалаб бўлмаган ҳолда(инсон оператор модели) ёки системанинг бир қисми бошка қисмлари билан ўзаро боғланишда тадкик килиниши керак бўлиб, аммо улар ҳали мавжуд эмас ёки уларни қўллаш кимматга тушадиган холда фойданалилади (хисоблаш полигонлари, бошкарувнинг автоматлаштирилган тизими).
Масштабли моделлар — физик табиати оргинал каби бўлган, лекин ундан масштаби билан фаркланадиган системалардир(кичиклаштирилган объектлар, объектларнинг ҳаракатланувчи моделлари). Масштабли моделлаштиришнинг методологик асосини ўхшашлик назарияси ташкил этади.
Аналогли моделлар деб оргиналдан фарқ қиладиган физик табиатга эга бўлган, лекин фаолият жараёни билан оргиналга ўхшаш системаларга айтилади. Анологик моделни ҳосил қилиш учун ўрганилаётган системанинг математик тавсифи керак. Анологик моделлар сифатида механик, гидравлик, пневматик ва электрик системалар қўлланилади.