Mavzu. Kichik biznes va xususiy tadbirkorlik shakllari

2.Xususiy tadbirkorlik


Xususiy tadbirkorlik – bu fuqarolar (alohida fuqaro) tomonidan о‘zlarining tavakkalchiliklari va mulkiy javobgarliklari ostida, shaxsiy daromad (foyda) olish maqsadida amaldagi qonunchilik asosida amalga oshiriladigan tashabbuskor xо‘jalik faoliyatidir.
Xususiy tadbirkorlikning yakka tartibda faoliyat kо‘rsatayotgan tadbirkorlikdan farqi shundaki, bu yerda faoliyat kо‘rsatuvchilar о‘z faoliyatini yollanma ishchi kuchi yordamida olib boradilar. Ular yuridik shaxs sifatida ish kо‘radilar va о‘z korxonalarini davlat rо‘yxatidan о‘tkazishga majburdirlar.


3.Jamoa tadbirkorligi


Jamoa tadbirkorligi – bu bir guruh fuqarolarning о‘zlariga ma’qul bо‘lgan mulkchilik shakllarida jamoalarga birlashib, jamoa korxonalarini tashkil qilishlari va shu asosda tadbirkorlik faoliyatini amalga oshirishlaridir.
Jamoa tadbirkorligi faoliyati firmalar faoliyatida о‘z ifodasini topadi. Firma – muayyan turdagi mahsulot ishlab chiqarishga va xizmat kо‘rsatishga ixtisoslashgan, bozordagi talab va taklifga qarab ish tutadigan, iqtisodiy jihatdan erkin va mustaqil korxonadir.
Firmalarning turlari juda kо‘p, ularni chizmada quyidagicha tasvirlash mumkin (1-rasm).