Mavzu: Kasbiy ta’lim o’qituvchisining individual metodik faoliyati

4-MAVZU: O’QITISH VOSITALARI

1. O’qitish didaktik vositalari tushunchasi va funktsiyalari.

2. Talabalarning o’quv adabiyotlari bilan ishlashi.

Ta’lim jarayonida texnik vositalarning o’rni.
Iqtisodiy fanlarni o’qitishda texnik vositalardan foydalanish alohida o’rin tutadi. Texnik vositalardan foydalanish usuliga ko’ra universal va texnik vositalarga bo’linadi.

Universal vositalarga doska, diaskop, kodoskop, magnitafon, videomagnitafon, komp’yuter. Televizor kirishi mumkin.

Maxsus vositalar, ma’lum bir masalani, mavzuni yoritishiga qaratilgan maket, videofil’m, kasseta, disk, disket kabilarni o’z ichiga oladi.

Axborotni uzatish, tasvirlash nuqtai nazaridan texnik vositalarni tasvirlovchi (kodoskop, proektor, diaprotsessor), tovushli (magnitafon, radio, audio kabilar), audio-video kompleksi, videomagnitafon, komp’yuter kabilarga bo’lish mumkin.

Ta’lim jarayonini amalga oshirishda yordam beruvchi vositalar ta’lim vositalari deb ataladi.

Ta’lim vositalari real va texnik vositalar, hamda chop etilgan o’quv materiallarini o’z ichiga oladi. Uning tarkibi quyidagicha bo’ladi:

Real ta’lim vositalari, odatda, iqtisodiy yo’nalish bo’yicha ta’lim olish jarayonida kam ishlatiladi. Lekin texnik va chop etilgan o’quv materiallari juda keng qo’llaniladi.

Ta’lim vositalari bir-birini to’ldiradi va dars jarayonida uyg’unlashadi. Ta’lim vositalari talabalarning darsni tushunishi, o’quv jarayoniga faol qatnashishiga ko’maklashadi.

Kodoskop, proektor shaffof plyonkadagi tasvir ( slaydlarni) ekranga tushirish, akc ettirish uchun qo’llaniladigan jihoz hisoblanadi. U foydalanish uchun qulay, moslashuvchan vosita bo’lib, bir marta tayyorlangan plyonkadan ko’p marta foydalanish mumkin. Doska bo’lmaganda zarur bo’lgan narsalarni flomaster yordamida to’ppa-to’g’ri yozib ko’rsatiladi.

O’qituvchi qaysi vositadan qachon foydalanishi, qanday vositani qo’llashini darsning maqsadi, mazmunidan kelib chiqqan holda oldindan belgilab olishi kerak.