Mavzu: Kasbiy faoliyatda hayot faoliyati xavfsizligi haqida tushuncha

Mavzu: Tarbiyachining bola uyda majburiy yolg’izlik holatida o’zini tutish qoidalariga o`rgatishi.

Farzandingiz xonadoningizda uzoq vaqtga bir o‘zi qolishga tayyor yoki emasligini bilish uchun u quyidagi ko‘nikma va bilimlarga egaligiga ishonch hosil qilish kerak:
1. Yegulikni o‘zi topa oladi va tanovul qila oladi
Kichik yoshdagi bola taom qayerda turishini bilishi va oddiy buterbrod tayyorlay olishi kerak.
“Maktabgacha yoshdagi bola mikroto‘lqinli pechkadan foydalanmagani ma’qul. Chunki, kuchli kuchlanishda qisqa tutashuv ro‘y berishi mumkin. Bolakay tamaddini stol ustida tayyorlab olgani ma’qul”.
2.Vaqt va soat haqida tushunchaga ega
Agar, kichkintoy sizsiz xafa bo‘lsa, uning kutishlarini soatlar yengillashtira oladi — kattalar qancha vaqtdan so‘ng kelishini bilgach, u o‘zini tetik va xotirjam his qiladi.
3. Xavfsizlik qoidalariga rioya qiladi
Maktabgacha yoshdagi bola qanday joylarga chiqish mumkin emasligini, qayerga barmoqni cho‘zish, qanday buyumlarni olish taqiqlanganini yaxshi bilishi kerak. Bunda ikkita qoida ishlashi darkor: birinchidan, xavfli narsalarni uning qo‘li yetadigan joylardan uzoqlashtirish, ikkinchidan, ushbu buyumlar va joylar nima uchun xavfli ekanini bolakayga ishonchli tarzda tushuntirish hamda taqiqni buzish qanday oqibatlarga olib kelishi mumkinligini aytish lozim.
“Bolaning qo‘li yetadigan joylardan dorilar, teshadigan narsalar, pichoq va qaychilar, gadjetlar uchun quvvatlantiruvchi jihozlarni olib qo‘yish kerak. Imkon bo‘lsa, rozetkalarni maxsus qoplamalar bilan yopib chiqqan ma’qul.
Uyning barcha derazalari panjaralar bilan to‘silgani ma’qul. Agar, o‘rnatish imkoni bo‘lmasa, derazalarni yopib qo‘yish kerak. Yozgi vaqtda ularga to‘rlar o‘rnatish zarur.
Bolaga gazdan foydalanishga ruxsat bermang, chunki u gaz plitasi konforkasini ochishi, ammo yondirmaganini yoddan ko‘tarishi mumkin”.