Mavzu: Kanopni titish-yuvish mashinalari tmm-200K markali ezish-titishmashinasi

7-AMALIY MASHG‘ULOT
Mavzu:Kanopni titish-yuvish mashinalari
Titish-yuvish mashinalari
1.TMM-200K markali ezish-titishmashinasi.
Bu mashina ivib tayyor bo‘lgan kanop poyasidan ivigan xo‘l holatdagi uzun tola ajratish uchun ishlatiladi.Mashina tola yog‘ochlik qismdan ajratish bilan bir vaqtda uni yuvib tozalaydi.Bu mashina po‘stloqdan tola olish uchun xam ishlatiladi.Bu mashinaning ish unumi yuqori bo‘lib 50 yildan beri korxonalarda ishlab kelmoqda.
Mashinaning asosiy qismlari: ta’minlovchi transportyor, birinchi titish-yuvish seksiyasi,uzatib turuvchi mexanizm,ikkinchi titish-yuvish seksiyasi,birinchi va ikkinchi seksiyada kanopni siqib olib yuruvchi transportyor,nasos va mashinani suv bilan ta’minlovchi truboprovod sistemasi xamda mashinani harakatga keltiruvchi elektr dvigateldan iborat.
ALV rusumli titish-yuvish mashinasi
Tolaning yuvilishini yaxshilash, mashinaning titish baraban lariga o‘ralib qolmasligini ta’minlash, uzun tolaning chiqindisi qo‘shilib ketishini kamaytirish, mashina konstruksiyasini soddalashtirish va massasini TMM—200—K mashinasinikiga nisbatan kamaytirish maqsadida biologik usulda ivitilgan po‘stloqni ishlaydigan ALV rusumli mashina yaratildi. ALV mashinasi bir jarayonli bo‘lib, TMM—200—K mashinasidan prinsipial farq qiladi. Bu mashina ham statsionar, ikki seksiyali, har qaysi seksiyasida bittadan barabani bor.
Mashina quyidagi asosiy qismlardan iborat; yuklagich stol, qiya ta’minlovchi transportyor (1), siqish barabanlari (2 va 3), titish barabanlari (4 va 6), bosim beruvchi moslama (5) va chiqaruvchi transportyor (7).
Mashinada po‘stloqni yuvish uchun suv beradigan quvurlar tizimlari tolani mashinadan ezuvchi pressga o‘tkazadigan mexanizm ham bor. Po‘stloq qo‘yiladigan stol ivigan po‘stloqdan uzluksiz qatlam hosil qilish uchun xizmat qiladi. Materialning ta’minlovchi transportyorga surilishini osonlashtirish hamda suvning oshib tushishini ta’minlash maqsadida stol transportyor tomonga gorizontal, qiya qilib ishlangan. Stol yuzasiga silliq po‘lat tunuka qoplangan. Ta’minlovchi transportyor beshta blok ustida o‘rnatilgan (har qaysi blokda ikkitadan yulduzcha bor), kalibrlangan, ikkita parallel joylashgan SK—7—21 rusumli dumaloq bo‘g‘inli zanjirdan iborat.
Transportyorga tutgich montaj qilib o‘rnatilgan bo‘lib, yon tomoniga
tunuka qoplangan. Ta’minlovchi transportyor zanjirida do‘ngliklar bo‘lib, ular po‘stloqni olib yurishga va birinchi seksiya titish barabani zonasiga kiritishga imkon beradi. Mashina birinchi va ikkinchi seksiyasining materialni olib yuruvchi transportyorlari bir-birlariga o‘xshash bo‘lib, pastki ponasimon va yuqorigi fason tasmalardan tuzilgan. Birinchi va ikkinchi seksiyada pastki tasmalar uchtadan shkivlarga o‘rnatilgan. Blok bo‘g‘inlari oralig‘iga birinchi seksiya transportyorining erkin aylanadigan shkiv o‘rnatilgan. Ponasimop tasmali transportyorning yuqorigi
tarmog‘i po‘lat yo‘lakchaga tayanadi, pastki tarmog‘i mashinaning yon tomonidan tituvchi baraban tagidan o‘tadi. Mashinaning har qaysi seksiyasidagi yuqorigi tansportyorning ishchi a’zosi ikkitadan shkivlarga o‘rna tilgan uzluksiz tasmadan iborat. Birinchi va ikkinchi seksiyalarda uzatilayotgan materialning yassilanishi, siqilishini ta’minlash uchun yuqorigi transportyorlarning pastki tarmog‘i richagli roliklar orqali pastki transportyorning yuqorigi tarmog‘iga siqilib turadi. Yuqorigi
transportyorda ikkita yo‘naltiruvchi rolik bor. Birinchi va ikkinchi seksiya transportyorlarining o‘qlari parallel joylashgan va bir-biriga nisbatan 300 mm siljitib o‘rnatilgan. Birinchi va ikkinchi seksiyalarning yuqori va pastki transportyorlarining tezligi bir xil (16,20 yoki 24 m/sek).