Mavzu. Jismoniy tarbiya nazariyasi va uslubiyatining asosiy atama va tushunchalari

Jismoniy tarbiya darsining pedagogik

vazifalariga ko’ra klassifikasiyasi

 

Jismoniy tarbiya darslari uni tashkillash xarakteriga ko’ra, darsdagi tarbiya yoki ta’limning yo’nalishiga ko’ra, darsga qo’yilgan pedagogik vazifalariga ko’ra klassifikasiyalanadi. Darsning pedagogik vazifalariga ko’ra klassifikasiyasi qo’yidagicha. Ular: «Kirish», «Yangi materialni o’zlashtirish», «Aralash», «Mustahkamlash va takomillashtirish», «Yakuniy darslar» deb xillanadi.

1. Kirish darslari o’quv yilining, o’quv choraklarining birinchi, shuningdek, o’quv choragi uchun rejalashtirilgan dasturning yangi bo’limi yoki mavzularini boshlanishidagi darslar. Bunday darslar o’zining mazmuni va tuzilishiga ko’ra, anoanaviy darslardan biroz farqlanadi. Ular ma’ruza, suhbat, o’zaro muloqat tarzida tashkillanishi mumkin. O’qituvchi o’quv-chilarga o’quv yili, o’quv choraklari uchun jismoniy tarbiyadan Davlat standarti dasturi bo’limlari bo’yichahal qilinadigan umumiy vazifalar,har bir o’quvchining individual xususiyatlarinihisobga olganholda vazifalar va ularning mazmuni bilan o’quvchilarni tanishtiradi, lozim bo’lgan talablarni qo’yadi. Kirish darslari yangi o’quv materialini tanishtirish vazifasinihamhal qilishi mumkin.

Kirish darslari o’zini tuzilishiga ko’ra xillanishidan tashqari quyidagi elementlarni o’z ichiga oladi: 1. O’quvchilar diqqatini yig’ish. 2. Yil uchun o’quv ishlarini vazifalari va mazmuni bilan tanishtirish. 3. Sinfda jismoniy tarbiya tashkilotchisini saylash. 4. Uyga vazifa.

Kirish darslarining qayd qilingan elementlari turli xil yoshdagi o’quvchilar bilan turlicha tashkillanadi.