Мавзу: Ислом фуқаролик ҳуқуқи

Мавзу: Ислом фуқаролик ҳуқуқи
РЕЖА:

1. 
   Ислом фуқаролик ҳуқуқи консепцияси, манбалари, субъекти ва объектлари.
   
2. 
   Ислом фуқаролик ҳуқуқида мулк ва мулкий муносабатлар.
   
3. 
   Ислом фуқаролик ҳуқуқида шартнома- ҳуқуқий муносабатлар.
   

Адабиётлар:

1. 
   Исҳоқов С. Ислом фуқаролик ҳуқуқи асослари. – Т: Адолат, 2000. – 136 б.
   
2. 
   Исхаков С.А. Ислом фуқаролик ҳуқуқи асослари: Ўқув қўлланмаси. – Т.: Ўзбекистон Республикаси ИИБ Академияси, 2005. – 128 б.
   
3. 
   Рахманов А.Р., Умаров Ф.Б. Ислом ҳуқуқида шартнома ва мажбуриятлар: Ўқув қўлланма. – Т., 2009.
   
4. 
   Раҳман И. Doi. Shari’ah the Islamic Law. – London, UK, TaHa Publishers, 1984/1404. – 484 pp.
   
5. 
   Ўзбекистон Республикаси Фуқаролик кодекси (биринчи қисми).
   

1. 
   Фуқаролик ҳуқуқий муносабатларнинг тушунчаси, субъектлари ва объектлари.
   

Шариат бўйича фуқаролик ҳуқуқи муносабатлари (муомалот) батафсил тартибга солинади. Фуқаролик ҳуқуқий муносабатларининг субъекти жисмоний шахслар бўлиши мумкин. Шариат юридик шахсларнинг ҳуқуқий ҳолатини алоҳида тарзда кўриб чиқмайди. Жисмоний шахслар томонидан қилинган фуқаролик–ҳуқуқий ҳаракат қонуний (ҳалол) ва йўл қўйилган (жоиз) ёки қонунсиз, йўл қўйилмаган (ҳаром) бўлиши мумкин. Ҳаракат, шунингдек, Шариат нуқтаи назаридан мақтовга лойиқ (мустаҳиб) ва танбеҳли (макруҳ), мажбурий ва мажбурий бўлмаган каби турларга бўлинади. Жисмоний шахсларнинг лаёқатлигига жинси, табақаси, мулкий аҳволи, айниқса эътиқоди таъсир этади. Тўлиқ даражадаги ҳуқуқ лаёқатига ва муомала лаёқатига мулкдор мусулмон эркак кишилар, ҳукмрон табақа вакиллари эга бўлган. Ҳуқуқий лаёқат туғилишдан бошлаб, мерос масалаларида эса туғилмасдан ҳам аввал вужудга келган ва ўлим билан ёки бедарак йўқолиш билан тугаган. Ёш болалар, 15 ёшга тўлмаган вояга этмаганлар, шунингдек, руҳий касаллар ва аҳли заифлар муомала лаёқатмга эга эмас деб ҳисобланган. "Фуқаролик ҳуқуқининг объектини ашёлар, ҳуқуқий, шунингдек, мулкий характерга эга бўлмаган шахсий ҳуқуқ (масалан, исмга эга бўлиш ҳуқуқи) ташкил этган. Ашёлар ҳаракатда ва ҳаракасиз (кўчмас), алмаштирмладиган ва алмаштирилмайдмган, наслий ва наслий бўлмаган, бўлинадиган ва бўлинмайдиган, истеъмолга йўл қўйилган ва истеъмолга йўл қўйилмайдмган, муомаладан олинган ва муомаладан олинмаган бўлиши мумкин.