Mavzu: Iqtisodiyotni modernizatsiyalash sharoitida investitsion qurilish faoliyatining rivojlanishi

Mavzu: Iqtisodiyotni modernizatsiyalash sharoitida investitsion qurilish faoliyatining rivojlanishi.
Reja:
Kirish.

1. 
   Milliy iqtisodiyotning mustaqil tarmog’i sifatida qurilishning shakllanishi va texnik-iqtisodiy xususiyatlari.
   
2. 
   O’zbekistonda qurilish tarmog’ini rivojlantirishning asosiy yo’nalishlari va muammolari.
   
3. 
   Investitsion-qurilish faoliyati va uning mamlakat iqtisodiyotini rivojlantirishdagi roli
   

Xulosa.
Foydalanilgan adabiyotlar ro`yxati.

Kirish
Kurs ishi mazusining dolzarbligi. Mamlakatimizda kapital qurilish tarmog’iga qaratilayotgan yuksak e’tibor natijasida tarmoqda sezilarli yutuqlar qo’lga kiritilmoqda. Shu boisdan, shaharlar va qishloq aholi punktlarining me’moriy qiyofasini tubdan yangilash, ularni zamonaviy shaharsozlik talablari asosida rivojlantirish hamda aholining uy-joy va ijtimoiy-maishiy sharoitini yanada yaxshilashga qaratilgan ko’plab chora-tadbirlar amalga oshirilmoqda.
Qurilish sohasining ustuvor vazifalariga, aholining jadal sur’atlar bilan o’sishini inobatga olgan holda ularni arzon, har tomonlama qulay va shinam uy-joylar hamda aholi punktlarida ijtimoiy va bozor infratuzilma ob’ektlarini qurish, shuningdek sohada investitsiya dasturlari doirasida amalga oshirilayotgan qurilish ishlariga ajratilgan mablag’lardan samarali foydalanish kabilar kiradi.
Iqtisodiyot tarmoqlarini modernizatsiya va diversifikatsiya qilish, xususan qurilish tarmog’idagi tarkibiy islohotlarni yanada jadallashtirish, qurilish ishlab chiqarish ko’lamini kengaytirish va qurilish mahsulotlari sifatini zamon talablari darajasiga yetkazish bilan bog’liq masalalarini hal etishga yo’naltirilgan dasturlarni amalga oshirishda qurilish ishlab chiqarishi iqtisodiyoti, tashkil etish va boshqaruviga oid fanlar yutuqlarini o’rganish muhim ahamiyat kasb etadi.
2017 yilda respublika bo’yicha barcha manbalar hisobidan jami 37,5 trln. so’m hajmda qurilish ishlari bajarilib, o’tgan yilga nisbatan 120,5 foizga o’sish kuzatildi. Natijada joriy yilda jami 15 mingta arzon namunaviy uylar, 191 ta arzon ko’p qavatli uylar va 2,5 mingta ijtimoiy soha ob’ektlari foydalanishga topshirildi.¹