Mavzu: iqtisodiyot bilan tanishuv

Bu haqida о' ylab ко' ring!
 
Eng katta dunyoviy muammo resurslarning cheklanganligi emas, balki ulardan oqilona, tejamkorlik bilan 
foydalanmayotganimizdir, degan fikrga o'z munosabatingizni bildiring. 
Buni yoddatuting!
 
Cheklanganlik muammosi odamlardan ehtiyojlari uchun zarur tovar tovara va xizmatlar orasidan 
ba'zilarini tanlashni taqozo etadi. 
• Xuddi odamlarga o'xshab, hukumat va jamiyat ham tanqislik sezadi, chunki ularning ham ehtiyojlari 
cheksiz, resurslari esa cheklangan bo'ladi. 
Qadriyatlar!
 
l.Mashhur ma'rifatparvar Abdulla Avloniyning "Iqtisod deb, pul va mol kabi ne'matlarning qadrini bilmoqqa 
aytilur. Mol qadrini biluvchi kishilar o'rinsiz yerga bir tiyin ham sarf qilmas, o'rni kelganda so'mni ham 
ayamas", degan so'zlarini sharhlang. 
2. Ota-bobolarimizning "biri kam dunyo" degan naqli nima haqida? 
3. Rizq va nafs so'zlarini qanday tushunasiz? 
Mustahkamlash uchun savol va topshiriqlar 
Shohjahonning tug'ilgan kuniga dadasi o'ziga yoqqan biror narsa olish uchun 10000 so'm pul berdi. U 
anchadan beri portfel, yangi oyoq kiyimi(krossovka) va futbol to'pi sotib olmoqchi bo'lib yurgan edi. 
Shohjahon do'konlarni aylanib yurib, bu pulga o'zi xohlagan narsalardan faqat bittasini olish imkoniyati 
borligini aniqladi va nima olsam ekan, deb o'ylanib qoldi. Shohjahon uchta imkoniyatdan faqat bittasini 
tanlashga majbur. Iqtisodiyotda bunday imkoniyatlar muqobil imkoniyatlar, deb yuritiladi. 
Aytaylik, Shohjahon uchun bu narsalarni sotib olish quyidagi tartibda qoniqish hissini beradi: 1) krossovka; 
2) futbol to'pi; 3) portfel. Shu bois u krossovkani sotib oldi, chunki uning uchun bu eng katta qoniqish hissini 
beradi. Shohjahonning bu tanlovi futbol to'pi ola olmasligi bilan unga "qimmatga tushadi". Iqtisodchilar buni 
— tanlovning muqobil qiymati, deb atashadi. Demak, Shohjahon tanlovining, ya'ni krossovkaning muqobil 
qiymati — futbol to'pi bilan o'lchanadi. 
1. Aytingchi, Shohjahon nima sababdan uch imkoniyatdan birini tanlashga majbur bo'ldi? 
2. Shohjahon nima sababdan krossovkani tanladi? 
3. Nega Shohjahon tanlovining muqobil qiymati portfel bilan o'lchanmayapti? 
4. Siz Shohjahonning o'rnida bo'lganingizda bu uch imkoniyatdan qaysi birini tanlagan bo'laredingiz? 
Nega? 
5. Tanlovingizning muqobil qiymatini aniqlang.