Mavzu: iqtisodiyot bilan tanishuv

TADBIRKORLIK 
Keyingi paytlarda ishlab chiqarishning tabiiy, mehnat va kapital omillari qatoriga to'rtinchi omil - 
odamlarning iqtisodiy qaror qabul qilishi, ishlab chiqarishni uyushtirishi va tashkil qilishi bilan bog'liq 
faoliyati - tadbirkorlikni ham kiritishmoqda. 
Qurilish uchun eng zarur bo'lgan sement ishlab chiqarishni tashkil qilish misolida uning bilan bog'liq 
omillarni aniqlaylik. Ma'lumki, sement ishlab chiqarishni amalga oshirish uchun birinchidan, tabiiy resurs - 
yer maydoni va sement olinadigan tog' jinsi bo'lishi kerak. Ikkinchidan, sement ishlab chiqarish uchun 
mehnat resurslari - odamlar - ishchi kuchi bo'lishi lo-zimyMehnat omili - odamlarsiz, ularning jismoniy 
kuchisiz, aqli va malakasisiz hech narsa qilib bo'lmaydi. Uchinchidan, tog' jinslariga ishlov berishda 

---

qo'llaniladigan asbob-uskuna, bino va inshootlar, ya'ni kapital resurslar ham bo'lishi kerak. 
Bu omillarni o'zaro birlashtirish to'rtinchi omil — tadbirkorlik evaziga amalga oshiriladi. Tadbirkor 
sement ishlab chiqarish imkoniyatlaiini hammaclan oldin ko'rib, tashabbusni qo'lga oladi. Bu ishni amalga 
oshirish uchun uchala omilni birlashtiradi. Bor rcsurslami jalb etadi, kuch-g'ayrati, bilimi va ma'lum 
ma'noda tavakkal qilib, ishbilarmonligini ishga soladi. Oxir-oqibat uning xatti - xarakatlari, tadbirkorligi 
sement ishlab chiqarishni yo'lga qo'yishga sababchi — omil bo'ladi. Demak, ishlab chiqarish tabiiy, mehnat, 
kapital va tadbirkorlik omillari ning birlashishidan yuzaga kelar ekan. Bozor iqtisodiyoti sharoiti da 
tadbirkorlik omili alohida ahamiyat kasb etadi. 
Topshiriq
Oddiy qalam ishlab chiqarish bilan bog'liq jarayon zanjirini mantiqiy ketma-ketlikda imkoni 
boricha to'laroq quring. Bu jarayonda ishtirok etayotgan barcha tabiiy, kapital va mehnat resurslarining 
ro'yxatini tuzing. Bu jarayonda tadbirkorlik omili qaysi ko'rinishda va qaysi bo'g'inlarda paydo bo'lishi 
mumkinligini aniqlang.