Mavzu: Inson organizimda toksikologik ahamyatga EGA bo`lgan og`ir metallarga sifat analizi. Reja: Kirish

Laboratoriya mashg’ulotini o’tkazish uchun uslubiy ko’rsatmalar

Mineralizatda cho’kma bo’lsa uni filtrlab ajratiladi va filtrat 200ml hajmli o’lchov kolbasiga o’tkaziladi. Filtrdagi cho’kma 10 ml sulfat kislotasining 0,1% eritmasi va 10 ml suv bilan yuviladi hamda filtratga qo’shib aralashma hajmi 200 mlgacha yetkaziladi.

CHo’kma asosan bariy hamda qo’rg’oshin kationlariga, filtrat esa rux va qolgan toksikologik ahamiyatga ega bo’lgan kationlarga tekshiriladi.

Bariy va qo’rg’oshin sulfat cho’kmalarini bir-biridan ajratish.

Tekshirilayotgan cho’kma tarkibidagi metall birikmalariga qarab oq (bariy, qo’rg’oshin, kaltsiy sulfatlar), iflos ko’kish (xrom, mis, temir va alyuminiy kationlarini birgalikda cho’kishi hisobiga) ranglarda bo’lishi mumkin.

Mineralizat tarkibidan ajratilgan cho’kma 5-10 ml miqdoridagi ortiqcha sirka kislotasi saqlagan issiq ammoniy atsetat eritmasi bilan tomchilab yuviladi. Bunda bariy sulfat filtr qog’ozida erimagan cho’kma holida qoladi, qo’rg’oshin sulfat esa ammoniy atsetatda erib, filtratga o’tadi. Reaktsiya kimyoviy tenglamasini yozing.