Mavzu: Induksion qizdirish Reja: Induksion pech va qurilmalar

Mavzu:Induksion qizdirish
Reja:

1. 
   Induksion pech va qurilmalar
   
2. 
   Induksion qizdirishning afzalliklari.
   
3. 
   Induksion qurilmalarning ishlashining fizik asoslari va energetik xarakteristikasi
   
4. 
   Induksion kanalli pechlar
   

Induksion qizdirish qurilmalari.
Tok o‘tkazuvchi jismlar, ya’ni birinchi va ikkinchi tartibli o‘tkazgichlarni induksion usulda qizdirish, o‘tkazgichlar tomonidan elektromagnit energiyani o‘zlashtirish oqibatida hosil bo‘luvchi uyurma toklar ta’sirida Djoul - Lens qonuniga ko‘ra ajraladigan issiqlik energiyasi orqali amalga oshirilishiga asoslangan. O‘zgaruvchan elektromagnit maydoni induktor tomonidan hosil qilinib, induktor qizdirilayotgan jismga (o‘tkazgichga) nisbatan tranformatorning birlamchi chulg‘ami (g‘altagi) sifatida hisoblanadi. Qizdirilayotgan jism esa bitta qisqa tutashgan chulg‘am sifatida tranformatorning ikkilamchi chulg‘ami vazifasini bajaradi.
Belgilanishiga ko‘ra barcha induksion qizdirish qurilmalari eritish pechlari, mikserlar va qizdirish qurilmalariga bo‘linadi. O‘z navbatida eritish pechlari po‘lat o‘zakli (kanalsimon) induksion pechlari va po‘lat o‘zaksiz (tigel) induksion pechlariga bo‘linadi. Induksion qizdirish qurilmalari esa asosan ikki guruhga, ya’ni to‘liq qizdirish va yuza qizdirish qurilmalariga bo‘lib o‘rganiladi. Bunday qurilmalarda past haroratdagi va yuqori haroratdagi qizdirish texnologik jarayonlari amalga oshiriladi.

Po‘lat o‘zakli induksion pechlar
Po‘lat o‘zakli (kanalsimon) induksion pechlari tuzilishiga ko‘ra ikki chulg‘amli kuch tranformatorini eslatib, ko‘p qatlamli po‘lat o‘zakka o‘ralgan birlamchi chulg‘am (induktor) va shu o‘zakka o‘rnatilgan ikkilamchi chulg‘am vazifasini bajaruvchi kanal ko‘rinishdagi moslama ichiga metall to‘ldirilgan va qisqa tutashgan «g‘altak» dan iborat. Ikkilamchi chulg‘am (kanaldagi metall) da pech iste’mol qilayotgan energiyaning 90 - 95 foizi o‘zlashtiriladi. 3 - rasmda induksion kanal pechlarining prinsipial sxemasi tasvirlangan. Tarqalish oqimi - F_s ning miqdorini kamaytirish maqsadida birlamchi W₁ va ikkilamchi W₂ (g‘altak) chulg‘amlarning ikkalasi ham asosiy magnit oqimi F₁ oqib o‘tayotgan magnit o‘tkazgichi M (po‘lat o‘zak) ning bitta sterjeniga o‘rnatilgan