Mavzu: Har bir inson hurmatga loyiq Darsning maqsadi

Mavzu: Har bir inson hurmatga loyiq

Darsning maqsadi:

Ta’limiy: o’quvchilarda hurmat tuyg’usini shakllantirish

Tarbiyaviy: insonparvarlik xislatini o’stirish

Rivojlantiruvchi: mustaqil fikrlashga o’rgatish

Dars turi: yangi bilim beruvchi, mustahkamlovchi, nazorat qiluvchi

Darsda foydalanilgan metodlar: “Qulf-kalit”, ”Men kimman?”, ”Ortiqchasini toping”, “Aqliy-hujum”, “Kim chaqqon”, “Falsafa”

Dars shiori: “A’lo o’qish burchimiz, Bunga yetar kuchimiz”

Darsning borishi

Tashkiliy qism:

Salomlashish, davomat. Dars musobaqa usulida tashkil qilinadi. O’quvchilar “Kuchlilar” va “Chaqqonlar” kabi 2 guruhga bo’linib, guruh sardorlari aniqlanadi. O’tilgan mavzu o’quvchilardan so’raladi

“Qulf-kalit” metodidan foydalaniladi. Bu metodda o’quvchilarga qulfda savol va kalitda javob yozilgan savollar varag’i berilib, ularga mos kalitni topishi kerakligi tushuntiriladi.

So’ng “Men kimman?” metodiga o’tiladi. Bunda narigi guruhdan bir o’quvchi doskaga chiqariladi va u doskaga qarab turgan holda orqasiga taniqli kishilar surati ilinadi va raqib guruhdan shaxsni aniqlash uchun ta’riflar beriladi. Shu ta’riflar orqali o’quvchi o’zini qaysi shaxs ekanligini topadi. Bu metod shu tariqa davom etadi. O’yin tugagach g’olib guruhga rag’bat stikerlari beriladi.

Uyga vazifasini mustahkamlash uchun “Ortiqchasini toping” metodidan foydalaniladi. Va o’tilgan mavzu yakunlanib guruhlarga rag’bat stikerlari beri boriladi.

Yangi mavzu bayoni:

“Aqliy hujum” metodi orqali dastlab guruhlarga savollar beriladi. Guruh ishtirokchilaridan hurmat mavzusida ibratli aforizmlar so’raladi.

“Kim chaqqon?” metodi orqali ikkala guruhga savollar beriladi. Doskadagi e’tirofga munosib kishilar forosuratiga e’tibor qaratilib, qisqacha ta’rif so’raladi. Shu matn asosida 1-topshiriq bajariladi.

2-topshiriqni bajarish uchun “Falsafa” metodidan foydalaniladi. Bunda 2-topshiriqdagi fotosuratlar guruhlarga taqdim qilinadi va ular surat asosida o’z fikrlarini fotosurat orqasiga yozishlari so’raladi. Javoblar tahlil qilinib, mavzu mustahkamlanadi.

Darsni yakunlash:

O’quvchilar yiqqan stikerlari jamlanadi va izohlanadi. Ularga rag’bat sovg’alari beriladi.

Uyga vazifa:

50-betdagi “Mustaqil tayyorlash uchun topshiriq” ni sharti tushuntirilib, bajarib kelish topshirig’i beriladi.