Мавзу: Физик кимёвий анализ методлари

Семинар машғулотларини ташкил этиш бўйича
кўрсатма ва тавсиялар

Семинар машғулотларида талабалар олинган спектрофотометрик ва фотометрик анализ методи бўйича билимларини, бошқа оптик анализ методлари билан солиштириш, нур ютилиши жараёнларини боришига асосланган назарий ва амалий қонуниятларини амалиётга қўллай билиш асосларини ўрганадилар.

Семинар машғулотларнинг тахминий тавсия этиладиган мавзулар:

1. 
   Спектрофотометрик ва фотометрик анализ методлари. Синфланиши, қўлланилиш соҳалари, экологик муаммоларни ечишдаги атроф-муҳит объектлари анализидаги назорат ва мониторинги, спектрофотометрик анализда ўзбек ва чет эл олимларининг ўрни;
   
2. 
   Нур ютилишининг асосий қонунлари. Бугер-Ламберт-Бер қонуни. Қонундан четланиш сабаблари.
   
3. 
   Электромагнит нурланишнинг энергетик тавсифлари. Нур ютилишини тавсифловчи катталиклар, фотометрик реакцияларнинг сезгирлигини тавсифловчи катталиклар. Моляр сўндириш коэффициенти. Спектро- ва фотоколориметрик анализнинг асосий босқичлари.
   
4. 
   Спектрофотометрияда концентрацияни аниқлаш усуллари. Градуировкали график усули ва градуировкали график тенгламасини ҳисоблаш. Солиштириш, қўшимчалар қўшилиш усуллари. Концентрацияларни аниқлашнинг қуйи аниқланиш чегаралари, натижаларни математик қайта ҳисоблаш, стандарт четланиш, нисбий стандарт четланиш, методнинг тўғрилиги ва қайта тикланувчанлиги.
   
5. 
   Спектрофотометрик титрлаш усуллари.
   
6. 
   Рангли бирикмаларни олиш, спектрофотометрик ва фотоколориметрик методнинг миқдорий анализда қўлланиши, органик реагентлар, фотометрланадиган системалар турлари, халақит берувчи ионларни боғлаш усуллари.
   
7. 
   Дифференциал спектрофотометрик анализ, эритмадаги катта концентрацияларни аниқлаш, тўла дифференциал спектрофотометрик анализ. Спектрофотометрик реакцияларни ўрганишда оптимал шароитларни танлаш.
   
8. 
   Комплекс бирикмалар таркибини аниқлаш, усуллари, комплекс бирикмаларнинг барқарорлик ва беқарорлик константаларини аниқлаш, металл ионларини фотометрик аниқлаш методлари.