Mavzu: Fanga kirish. Reja: Fanning maqsadi va vazifalari

---

Mavzu: Fanga kirish. 
Reja: 
1. Fanning maqsadi va vazifalari.
2. Fanning sanoatdagi va mexanika-mashinasozlik sohalarida ishlab 
chiqarish jarayonlarini avtomatlashtirishdagi, ilmiy tekshirishlardagi va 
boshqa sohalardagi tutgan o’rni.
3. Metrologiya to’g’risida tushunchalar. 
1. Fanning maqsadi va vazifalari. 
“Metrologiya va o’lchashlar yagonaligini ta’minlash” fanini o’rganishdan 
maqsad: talabalarda xalq xo’jaligining texnika-texnologiya, menejment va marketing 
sohalaridagi ishlab-chiqarish, savdo, nazorat va iste’mol hamda mahsulot sifati, 
sifatni boshqarish tizimini joriy etishga bog’liq bo’lgan turli metrologik masalalar 
bilan shug’ullanish borasida yetarli bilim va malakalarni hosil qilish.
Asosiy vazifalar esa talabalarni uzluksiz ta’lim tizimida metrologiya asoslari 
bo’yicha tayyorlashdan kelib chiqadi. Bunda maxsus fanlar doirasida rivojlanuvchi 
va chuqurlashuvchi metrologiya, metrologik ta’minot, metrologik xizmat bo’yicha 
fundamental ma’lumotlar o’rganiladi. 
Metrologiya so‘zi ikkita grek so‘zi μετρoν – o‘lchov va λoγoζ – fan degan 
so‘zlarni anglatib, o‘lchovlar to‘g‘risidagi fan, o‘lchovshunoslik demakdir. 
Metrologiya 3 qismdan iborat: 
Nazariy metrologiya
– metrologiyaning fundamental asoslarini ishlab chiqish 
predmeti bo’lgan sohasidagi metrologiya bo’limi. 
Qonunlashtiruvchi metrologiya
– metrologiya bo’yicha milliy idora 
faoliyatiga qarashli birliklar, o’lchash usullari, o’lchash vositalari va o’lchash 
laboratoriyalariga davlat talablarini o’z ichiga olgan metrologiya qismi. 
Amaliy metrologiya
– nazariy metrologiya ishlanmalarini va qonunlashtiruvchi 
metrologiya qoidalarini amaliy qo’llash masalalari bilan shug’ullanuvchi metrologiya 
bo’limi. 
Quyidagi 1.1 – rasmda metrologiya va u shug‘ullanadigan masalalar sxema 
ko‘rinishida berilgan. 

---