Mavzu: Fan ijtimoiy-madaniy hodisa Reja: 1

Mavzu: Fan ijtimoiy-madaniy hodisa
Reja:

1. Fan tushunchasi. Fan taraqqiyotining asosiy bosqichlari.

2. Fan bilishning maxsus shakli.
3. Fanlar tasnifi
4. Fanning funksiyalari.
5. Fanning ijtimoiy madaniy mo‘ljallari


1. Fan tushunchasi. Fan taraqqiyotining asosiy bosqichlari.
Fan ijtimoiy taraqqiyot jarayonida insoniyatning kundalik ehtiyojlariga javob sifatida paydo bо‘ldi. Kо‘p sonli ta’riflarga kо‘ra fan bilim faoliyat va ijtimoiy hodisa sifatida namoyon bо‘ladi. Bilim sifatida fan atrof borliq narsalari va jarayonlarini amalda aniq, izchil va tadrijiy bilishga qaratilgan. Faoliyat sifatida fan maqsadlarni belgilash, qarorlar qabul qilish, yо‘l tanlash, о‘z manfaatlarini kо‘zlash, mas’uliyatni tan olish maydonida amal qiladi. V.I.Vernadskiy fanning aynan faoliyat sifatidagi talqinini alohida qayd etgan edi: «Fanning mazmuni ilmiy nazariyalar, gipotezalar, modellar, u yaratuvchi dunyoning manzarasi bilan cheklanmaydi, uning negizi asosan ilmiy omillar va ularning empirik xulosalaridan tashkil topadi, tirik odamlarning ilmiy ishi uning asosiy jonli mazmunini tashkil etadi»¹.
Fan obyektivlik, aniqlik, haqiqiylik mezonlariga javob beruvchi bilimlar tizimi sifatida amal qiluvchi ikkinchi talqinda ilmiy bilim о‘ziga erkinlik hududini ta’minlashga, mafkuraviy va siyosiy yо‘nalishlarga nisbatan betaraf bо‘lishga harakat qiladi. Olimlar о‘z umrini baxshida etuvchi haqiqat yо‘lidagi izlanishlar hamma narsadan ustun turadi, fanning bosh omili va asosiy boyligi hisoblanadi.