Mavzu: erkaklar kurutkasi uchun andozani gazlamaga joylashtirish bichish va tikish

Kerakli asbob va materiallar: stol, stul, erkaklar kurtkasi asos chizmasi, andoza tayyorlash uchun oq qog’oz, to’g’ri va uzun chizg’ich, qaychi, santimetr lenta.
Tayanch iboralar: Manjet, model,detal, plankalar, kapyisho


O’gil bolalar kurutkasi haqida tushuncha
Erkaklar kurtkalari har xil gazlamalardan tikilishi mumkin. Ularning farqi shundaki old bo’lagi taqilmasi tugmali, molniya tasmali bo’lishi mumkin. Erkaklar kurtkasi old bo’lagining qismi ma’lum kenglikda bir-birining ustiga o’tib turadi.
Erkaklar kurtkasi turli fasonda va turli xil bichimda tikiladi. Yengli, yengi reglanli, o’tqazma yengli, kalta yengli, yoqali, yoqasiz, cho’ntakli, cho’ntaksiz bo’lishi mumkin. Erkaklar kurtkasi turli xil bezaklar, qo’yma burmalar gazlama rangiga mos qiya mag’izlar, furnituralar bilan bezatiladi.
Erkaklar kurtkasini tikish tartibi mayda bo’laklarni tayyorlashdan boshlanadi. Erkaklar kurtkasining ostki va ustki yoqalari tayyorlanib, ag’darma chokda tikiladi.
Yoqaning burchaklari texnik shartlarga ko’ra kesilib, o’ngiga ustki yoqadan ziy chiqarib ag’dariladi va dazmollanadi. Tayyor yoqa andoza yordamida tekshiriladi. Adip bo’laklari birlashtirib tikiladi. Adipga yelimli qotirmani namlangan mato yordamida dazmollab yopishtiriladi.






Yengga ishlov berish.
Erkaklar yenglarining oldingi va tirsak qirqimlariga ishlov berib bo’lingan yeng uchi qirqimi bo’yicha manjetning yon chokiga kertim qo’yiladi. Erkaklar kurtkasida yeng uchi bukish chizig’i manjet ustida aniqlanadi. Bukish chizig’i bo’yicha to’g’ri sirma qaviqlar o’tkaziladi. Erkaklar kurtkasida yeng bilan manjet astarining o’ng tomonlari ichkariga qaratib qo’yiladi, manjet astari pastki qirqimini yeng pastki qirqimiga to’g’rilab tekislanadi. Manjet astari yeng uchiga 6-9 mm kenglikdagi chok bilan va qaviqlar yordamida astar tomonidan ulab ko’klanadi. Erkaklar kurtkasi manjet astari yeng uchiga ko’klash qaviqqatoridan 1.0 mm oraliqda astar tomondan biriktirib tikiladi. Manjet astarining yeng uchiga ulama chokiga manjet bukish haqqini qayirib yirikligi 10-15 mm qaviqlar bilan manjetning pastki ziyidan bukib ko’klanadi. Yengni, uning ichiga maxsus yostiqcha qo’yib, namlangan dazmol mato bilan dazmollab yupqalashtiriladi. Yeng teskari tomonga ag’dariladi. Ichlaridagi manjetning bukish haqqi to’g’rilanadi. Yeng astari o’ng tomoni bilan manjet bukish haqqiga kiydiriladi. Qirqimlari tekislanadi. O’rta va yon choklari to’g’ri keltiriladi. Yeng astari yirikligi bilan chok kengligida manjet bukish haqqiga ulab ko’klanadi.
Erkaklar kurtkasini tikish uchun har xil modelga qarab kapyushon modelini tanlash mumkin. Erkak maxsus kiyimi kapyushonidagi birinchi bo’lib, vitochkalarining o’rnilarini belgilab tikiladi va astardagi vitochkalar tikilgandan so’ng ular nam mato yordamida dazmollanadi.
Erkaklar kapyushonining bo’laklarini o’ngini o’ngiga qo’yib o’rta qirqimi biriktirib tikiladi. Astar bo’laklari ham shu jarayonda tikiladi. So’ngra kapyushon tashqi qirqimiga obtachka astarning o’ngiga o’ngini qo’yib biriktirib tikiladi va choklar astar tomonga yotqizib 0.1-0.2 sm da bostirib tikiladi. Kapyushonning avra va astari o’ngini o’ngiga qo’yib 0.5-0.7 sm da ag’darma chok bilan tikiladi va o’ngiga ag’darish uchun 7-9 sm kpyushon pastki qirqimidan tikmay joy qoldiriladi. So’ngra kapyushon burchaklari chokka 0.1-0.2 sm ga yetkazmay qaychida qirqiladi, o’ngiga ag’dariladi. Kapyushon burchaklari dukcha yordamida chiqarib to’g’rilanadi va dazmollanadi. Kapyushon tashqi qirqimiga modelga muvofiq bezak baxyaqator yuritiladi.