Mavzu: emotsional jarayonlaring umumiy tavsifi

VI. INTELLEKTUAL HISLAR

Odamning aqliy faoliyati bilan, bog’liq, bo’lgan hislar intellektual hislar deb ataladi. Bilishga qiziqishlik taajjublanish va hayron qolish hislari, ishonch, ishonchsizlik va shubhalanish hislari intellektual hislar qatoriga kiradi. Bunday hissiyotlar har xil nazariy va amaliy savollar tug’ilganida, vazifa va masalalarni hal qilish chog’ida, kashfiyotlar, ixtirolar qilinayotgan chog’da, biror yangilikni o’zlashtirish va bilish chog’ida paydo bo’ladi va his qilinadi.

Intellektual hislarning ba’zi bir ayrim ko’rinishlariga to’xtalib o’tamiz.

Urinchoqlik. Bu hisning nomidan ko’rinib turibdiki, bunday his odamning bilimlarga ijobiy munosabatida ifodalanadi. Biror sohada yoki turli sohalarda eng chuqur va aniq bilim olishga intilishdan iborat bo’lgan bu his juda uzoq (ayrim odamlarda umrbod) davom etadi. Urinchoqlik bilish-ning turli yo’llarini va vositalarini izlashga (mahsus adabiyotlarni o’qishga, radio va televidenie eshittirishlarini, lektsiyalarni tinglashga, mutaxassislar bilan suhbatlashishga, tajribalar o’tkazib turishga) hamda shu yo’llar va vositalardan foydalanishga rag’batlantiradi. Ayni vaqtda bu murakkab hislar olingan bilimlarning odamning o’zi uchun va boshqalar uchun (jamiyat uchun) naqadar ahamiyati borligini ijobiy baholashga yordam beradi.