Mavzu: «Elementlar do`stimiz!»

8-O`quvchi ( Kislorod):

Salom do`stu birodar aqlni soling ishga,

Meni eshtsangiz gar tanish chiqaman sizga.

Men shohiman olamda bori unsurlar ichra,

Hayot uchun kerakman yeru-koinot uzra.

Mensiz nafas ololmas hech bir tirik jonizot,

Xatto jonsiz toshga ham bera olaman hayot.

Vodorod do`stim bilan sherikchilik qilganmiz,

Suvdek obi hayotni biz-ku hosil qilganmiz.

Yondirishga ustaman ko`pdan-ko`p unsurlarni,

Oksidlayman hamma yerda kuchliyu kuchsizlarni.

9-O`quvchi (Ftor):

Hoy, maqtanchoq kislorodvoy bir past turing maqtanmay,

Bu dunyoda shohman deya ko`p o`zingizdan ketmang.

Garchi sizdan keyin turay, atom massam ziyod ancha,

Faqat bitta elektron bilan tugar pogonacham.

Oilamdir Galogenlar,tuzlar hosil qilamimz,

Metalmaslar ichida ham eng zo`r kuchli bu bizmiz.

Xlor ,Brom,Yod va Astat bir guruhda biz hayot

Hatto inert gazlarni ham men qila olaman mot.

10-O`quvchi ( Geliy):

Mana menga yetdi navbat, bir jumboqqa tuting quloq.

Men betaraf va beqaror, lek hayotda menman kerak.

Hech unsurdan kam emasman, ismimning ma`nosi-Nur,

Bobo quyosh-men,Vodorod ,hayot mendan boshlanur.

Men davogar emasdirman, kerakmas elektron,

O`zimnikin berolmasman ,bekorga bo`lmang hayron

Inert gaz deb atashadi guruh bilan bizlarni,

Ta `sirlasha olmayman xech ,qo`rqitmayman sizlarni.

Zamin uzra qaynoq nurman, qizdiraman olamni,

Yo`qdir borliq men bo`lmasam, har tong kutgaysiz meni.

8-O`quvchi ( Kislorod):

To`xtang –to`xtang,Geliy oshna buncha siz mahmadona,

Zamin uzra nurman deya gapiryapsiz mardona.

Tiriklik va hayot uchun havfli nur bor sizda har on,

Bu zararga osmon uzra oddiy moddam-Ozon qalqon.

O3- Ozon bo`lmaganda yerda hayot yo`q misoli,

Chunki havfli nuringizdan qovrilar yer go`sht misoli.

Demak sizga maqtanishga qolmadi xech bir asos,

Ko`p gapirmay chetga o`ting bu safda sizga joy oz.

9-O`quvchi(Ftor):

Shoshmang endi Kislorodvoy haq gapni aytdi Geliy,

Sochmasa nurlarin quyosh ne qilardi zaminu yer .

7-O`quvchi(Azot):

Nima, bunda kim o`zi haq , Kislorodmi yoki Geliy

(Kislarod,Ftor va Geliydan tashqari barcha elementlar birga jo`r bo`lishadi)

Biz-chi , bizga kim hayrihoh yoki bizmi bunda salbiy

Yangi o`quvchi (Davriy jadval):

To`xtang, tortishmangiz bir pas, meni tinglangiz biroz,

118 element joy olgansiz menda bu rost.

Butun borliq, yeru-zamin, osmon va koinot uzra,

Sizlar hokim, siz hukumron, hayotsiz va hayot uzra.

Biringizni biringizsiz qilib bo`larmi tasavvur,

Birda havo, birda suvsiz, birda esa charogon nur.

Yeru-zamin tuproq nadur, tog`u-tosh va yaproq nadur.

Tirik jonzot,inson zoti bu sizlardur, sizlardandir

Biz buyuk bir kashfiyotmiz bir butunmiz barchamiz

O`qing bizni bolajonlar,Kimyoga yo`l ochamiz.
(Barcha birga aytadi):
Kimyo fanin o`rganingiz,dav`atimiz buyukdir

Ziyolilar hamma joyda va hamisha suyukdir.

She`riy chiqishlar tugagandan keyin boshlovchi ikki o`quvchi chiqib tinglovchi o`quvchilarga turli savollar bilan murojat qiladilar hamda bo`lib o`tgan voqealarni sharhlab berishlari uchun o`quvchilarga ijozat beradilar.O`quvchilar tadbirdan olgan ta`surotlari haqida o`z fikr-mulohazalarini bildiradilar, so`ngra tadbir yakunlanadi.

Xorazm viloyati Xiva tumanidagi 12- umumiy o`rta ta`lim

maktabi Kimyo fani o`qituvchisi Allaberganova Malika

Rajabboyevnaning yozgan she`rlari asosida yozilgan

tadbir ssenariysi. 2020 yil.