Mavzu: «Elementlar do`stimiz!»

3-o`quvchi( Natriy)

Men natriyman- tipik metall, rangim o`xshar kumushga,

Kesish mumkin pichoq bilan,chunki yumshoqman ancha.

Ammo, hayron bo`lmang aslo, ochiq joyda turolmayman,

Asli o`zim erkin holda tabiatda yurolmayman.

Chunki tashqi pag’onamda bitta elektronim bor,

Uchrab qolsam atomim-la, kimdir albat tortib olar.

Lekin aslo achinmayman hosil bo`lgan birikmamdan,

Odamlarga foydam tegar Xlor bilan birikkandan.

Manashudir «Natriy xlor»,asli nomi Osh tuzidir,

Manzilidir dengizu-ko`l ,tog` jinsida "Tosh tuzi"dir.

Uyingizda choy sodasi , kir sodasi albatta bor,

Biling ular tarkibida men bo`lmasam bari bekor.

Litiy,Kaliy va Rubidiy menga oshna bo`lishadi,

Qanday xossa bo`lsa ham-ki, ortginamda yurishadi.

Ha aytgancha,eslab qoling :

Qo`lingizga tushsam agar aslo suvga sola ko`rmang,

Agar yonib portlab ketsam keyin hech o`pkalab yurmang.