Мавзу. Давлат хизматчиларининг таснифи

маъмурий ҳокимият вакиллари давлат хизматчиларининг алоҳида гуруҳи ҳисобланади. Маъмурий ҳокимият вакиллари давлат хизматчиларининг шундай гуруҳики, улар ўз ваколатлари доирасида бошқа шахсларга, хизмат бўйсунувидан қатъи назар, бажарилиши мажбур бўлган кўрсатмаларни бериши мумкин. Ҳокимият вакилларига судьяларни, прокурорларни, депутатларни, Қуролли кучлар, ички ишлар органлари, миллий хавфсизлик хизмати органларининг бошлиқлар таркибига кирувчиларни ва бошқаларни киритишимиз мумкин.
Ҳокимият вакиллари умумий хусусиятдаги ваколатларни амалга оширадилар, масалан, хизмат юзасидан уларга бўйсунмаган шахсларга мажбурий фармойишлар бериш, маъмурий таъсир этиш чораларини қўллаш ва ҳ.к.лар. Маъмурий ҳокимият вакиллари давлат-ҳокимият ваколатига эга бўлиб, муайян давлат органи номидан ва унинг кўрсатмасига биноан ҳаракат қиладилар.¹
Ҳар бир давлатда давлат хизматчиларининг тоифаси тегишли қонун ҳужжатлари билан белгиланади. Ўзбекистон Республикасида давлат-хизмат муносабатларини тартибга солувчи ягона қонун ҳужжати мавжуд ³ эмас, бирон-бир қонун ҳужжатида давлат хизматчиларининг турлари аниқ ва тўлиқ кўрсатиб ўтилмаган. Шу сабабли, давлат хизматчиларининг қандай турларга бўлинишини ҳар хил соҳавий қонун ҳужжатлари мазмунидан келиб чиққан ҳолда белгилаш мумкин.

1^Қаранг: Административное право. Москва, Юристъ, 2000, 211-216-6.

2^Старилов Ю.Н. Служебное право. Москва, БЕК. 1996. 345-355-б.лар

3^ Административное право Республики Узбекистан//Авт. коллектив: Х.Р.Алимов, Л.И.Соловьева и др./- Т.: “Адолат”, 1999. 113-116-б.лар