Mavzu: dasturlashning elementar tushunchalari

2.4. Ismlar (identifikatorlar)
Key Point. Ismlar – dasturning o`zgaruvchilar, funksiyalar va shu kabi bosha elementlarning nomlaridir.
Ilgari 2.3-listngda ko`rganimizdek, main, number1, number2, number3 va hokazolar dasturda ishlatiladign ob’yektlaring nomlaridir. Dasturlash terminologiyasida bu nomlar identifikatorlar (ismlar) deb nomlanadi. Barcha ismlar quyidagi qoidalarga binoan tuzilishi kerak:

• 
  ism – bu harflar, raqamlar va tag chiziq belgilarining ketma-ketligidir;
  
• 
  ism harf yoki tag chiziq bilan boshlanishi mumkin, raqam bilan boshlanishi mumkin emas;
  
• 
  ism maxsus vazifali so`z bo`lishi mumkin emas (C++ tilining maxsus vazifali so`zlar ro`yxati ilovada keltirilgan);
  
• 
  ismlar ixtiyoriy uzunlikda bo`lishi mumkin; C++ kompilyator ularni dastlabki 31 tagacha belgi bilan farqlaydi.
  

Masalan, area va radius ism bo`la oladi, lekin 2A va d+4 yozuvlari ism emas, chunki ular yuqoridagi qoidalarga binoan yozilmagan. Noto`g`ri ismlarni kompilyator tan olmaydi va sintaksis xatolik to`g`risida xabar chiqariladi.
Eslatma: C++ da ismda ishlatiladigan katta va kichik bir xil harflar farqli hisoblanadi. Masalan, area, Area va AREA so`zlari har xil ismlarni bildiradi.
Foydali maslahat. Ismlar dasturdagi o`zgaruvchilar, funksiyalar va boshqa elementlarni nomlash uchun ishlatiladi. Tavsiflovchi ismlar ishlatilgan dasturni o`qish va mazmunini anglab olish osonroq bo`ladi. Qisqartma so`zlardan tuzilgan ismga nisbatan to`liq so`zlardan iborat ism nomlanayotgan ob’yektni ko`proq tavsiflaydi. Masalan, TalabalarSoni ismini ishlatish. TalSon TalabaSn degan ismlarga nisbatan yaxshiroq.
Nazorat.
2.4. Quyidagi ismlarning qaysilari to`g`ri? Qaysilari C++ tilining maxsus vazifali so`zlari hisoblanadi?
miles, Test, a++, --a, _{ }, $4, #44, apps, main, double, int, x,y, radius.