Mavzu: "Bunyodkor xalq"

Yangi mavzuni bayoni: Do’stlik-insonlar o’rtasidagi maqsadlar, intilishlar, qarashlar va manfaatlar yaqinligi, o’zaro bir birini tushunishga, bir-biriga ishonishga asoslangan munosabatlar demakdir.
Do’stlik –insonni ma’naviy qo’llab- quvvatlovchi, uning og’irini yengil qiluvchi, ruxiyatini ko’taruvchi, o’ziga ishonchini orttiruvchi kuchdir.
SHuni unutmaslik kerakki, insonga do’stlik, birodarlik, o’zaro ishonch tuyg’ulari darxol yuzaga kelib, o’z-o’zidan mustahkamlanib qolmaydi.
Hayotda haqiqiy, sadoqatli do’st topish inson uchun katta baxtdir.
SHoir Erkin Vohidov shunday yozgan:
Agar do’sting bilan teng ko’rsang baham,
SHodlik teng ko’payar, teng bo’linar g’am.
Odamning yaxshi kuni ham, yomon kuni ham unga berilgan bir sinov ekani, do’st-birodarlar ko’magida bu sinovdan yorug’ yuz bilan chiqish mumkin ekaniga ishora qiladi.
Inson har qanday holatda ham yonida o’ziga yaqin insonlar – ota onasi, qarindosh urug’lari bilan bir qatorda do’stlarining ham bo’lishini ich- ichidan xohlaydi. Do’stining yonida turganini ko’rgan har qanday kishi quvonchli kunida olam-olam shodlikka to’ladi,qayg’uli kunida bir dunyo tasalli oladi.
Hayotda haqiqiy do’stlar bilan bir qatorda soxta do’stlar ham uchrab turadi. Ular shaxsiy manfaat yuzasidan, ma’lum bir maqsadni ko’zlab o’zlarini do’st qilib ko’rsatishga harakat qiladilar, ya’ni hayot sahnasida mahoratli artist bo’ladilar.
Xalqimizning “Galga solgan do’st emas”, “Dasturxonga boqqan do’st emas”, “Jon do’sting jonidan kechsa ham, mol do’sting molidan kechmas”, “Aqlsiz dushmandan bir saqlan, aqlsiz do’stdan ming saqlan ” kabi naqllarida do’stning nodonligi , ikkiyuzlamachiligi, xiyonotkorligi dushman tig’idan ham o’tkir, xavfli ekanligiga ishora bor.
Do’stlik tushunchasi keng qamrovlidir.Ya’ni u faqat ikki inson o’rtasidagi munosabatlarnigina emas, millatlar, xalqlar, mamlakatlar o’rtasidagi aloqalardagi iliqlikni,o’zaro ishonchlilikni ifoda etishda ham qo’llaniladi.

____________________2015