Mavzu: Bromatometriya,xloryodometriya,nitritometriya usullarini qo’llanilishi Reja

Urganch Davlat Universteti Tabiiy fanlar fakulteti Kimyo yo’nalishi 182-guruh talabasi Saitov Azamatning Analitik kimyo fanidan yozgan

Mavzu: Bromotometriya,Xloryodometriya,Nitritometriya usullarini qo’llanilishi

Topshirdi: Saitov A.

Qabul qildi: Eshchanov E..

Urganch – 2020

Mavzu: Bromatometriya,xloryodometriya,nitritometriya usullarini qo’llanilishi

Reja:

1. 
   Kirish.
   
2. 
   Asosiyqism:
   

II.1 Xloryodimetriya

II.2 Bromotometriya

II.3.Nitritometriya

3. 
   Xulosa.
   
4. 
   Foydalanilgan adabiyotlar ro’yxati.
   

I. KIRISH

Analitik kimyo-kimyoviy analizning nazariy asoslari va metodlarini ishlab chiqadigan, atrof muxitdagi har xil ob’ektlarning elementar kimyoviy tuzilishini, sifat va miqdoriy aniqlashni ta’minlaydigan metodlar to‘g‘risidagi, ya’ni analitik kimyo-identifikatsiyalash, miqdoriy aniqlash va tabiatdagi turli elementar ob’ektlarning, ya’ni atomlar, ionlar, molekulalar, funksional guruhlar va boshqa zarralar kimyoviy strukturasini aniqlaydigan fandir. Analitik kimyoning asosiy vazifalari-analizning umumiy nazariy asoslarini, kimyoviy, fizik-kimyoviy va fizikaviy metodlarining asosiy prinsiplari bilan tanishtirishdir. Analitik kimyo ulkan ilmiy va praktik ahamiyatga ega. Darhaqiqat, barcha hozirgi zamon kimyosi yangi analitik metodlar va o‘lchash texnikasining qo‘llanishi tufayli taraqqiy etdi. Fizika, biologiya, geologiya, minerologiya, texnika fanlari, meditsina, farmatsevtika, atrof-muhitni o‘rganish fanlari o‘zlarining fundamental ilmiy tekshirish ishlarida analitik kimyodan keng ko‘lamda foydalanadi. Xalq xo‘jaligi mahsulotlari sifatiga, kosmik va atom energetikasi sanoatining yanada rivojlanishiga,atrof-muhitni muhofaza qilishga, kasalliklar diagnostikasini yaxshilashga va hokazolarga bo‘lgan talabning ortishi mavjud metodlarning yanada takomillashtirilishini va yuqori sezgirlikka, aniqlikka, tanlab ta’sir etuvchanlikka, ekspresslikka ega bo‘lgan, avtomatlashtirish mumkin bo‘lgan yangidan-yangi analiz metodlarini ishlab chiqarishni taqazo etadi. Hozirgi zamon analitik kimyosining xarakterli tomoni instrumental analiz metodlarining keng taraqqiy etishidir (bularga fizik-kimyoviy va fizik metodlar kiradi). Bu metodlar yuqoridagi talablarga javob beradi.