Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

Ishni yaxshilash dasturlarining tartiblari. Bajarilyapgan ishlarning sifatini oshirish yuzasidan xodimning bildirgan har bir g'oyasi takliflar bildirish dasturi asosida baholanishi kerak. Agar bu g'oya, taklifni dastur doirasida qo'llab bo'lmasa, u ishni yaxshilash dasturi doirasida ko'rib chiqiladi. Bu dasturga tushadigan barcha takliflar ishni yaxshilash blankasi to'ldirilguncha tatbiq qilingan bo'lishi kerak. Blankada quyidagi savollarga javob beriladi:

1. 
   O'zgartirishlar kiritilguncha ish qanday bajarilgan?
   
2. 
   Ish hozirda qanday bajarilyapti?
   
3. 
   Sifatni oshirish, ishni bajarish natijalari va harajatlardagi o'zgarishlarning kutilayotgan ta'siri qanaqa?
   
4. 
   O'zgartirishlar kiritishning mo'ljaldagi qiymati qanaqa?
   
5. 
   Taklifni tatbiq qilishdan qanday iqtisodiy samara olish kutilyapti?
   

Blanka to'ldirilib, xodim unga imzo qo'yganidan so'ng, uni bo'linma
rahbariga tavsiya qiladi. Bo'linma rahbari uni tekshiradi, blankaga imzo qo'yadi va ishni yaxshilash masalalari bo'yicha mas'ul muvofiqlashtiruvchiga jo'natadi. Muvofiqlashtiruvchi blankani tekshiradi va undagi ma'lumotlarni ishni yaxshilash bo'yicha ma'lumotlar to'planadigan bankka kiritadi.
Bu bosqichda bildirilgan takliflardan umumiy yoki ko'p marta foydalanishni nazarda tutuvchi o'zgartirishlar qayd qilinadi. Bunday o'zgartirishlar hujjatlarda rasmiylashtiriladi va rahbariyat uchun kvartallik hisobotda ifodalanadi. Shunga o'xshash hisobotlar ishni yaxshilash bo'yicha takliflardan qo'shimcha natijalar olishni rag'batlantiradi.
Muvofiqlashtiruvchi mehnatni oqilonalashtirishga o'qitishni ham tashkil qiladi.
Ishni yaxshilashda rahbariyatning o'rni. Ishni yaxshilash har bir xodimning majburiyati hisoblanar ekan, rahbar navbatdagi yil uchun ishlarni yaxshilash bo'yicha majburiyatlarni yozma ko'rinishda taqdim qilishi va bo'linmaning maqsadga erishishiga qarab o'zining faoliyatini baholashi lozim. Masalan, keyingi yil davomida 1 mln. so'm miqdorida iqtisodni ta'minlash va har bir xodimning ishni yaxshilash bo'yicha kamida bitta taklif kiritishi rejalashtiriladi. Bu majburiyat xodimlarning bajaradigan ishi bilan bevosita bog'liq bo'lgani uchun ularning shaxsiy ish rejasi tarkibiga kiritilishi mumkin.
Shunga o'xshash majburiyatlar rahbarlikning barcha pog'onalarida qo'llaniladi, uning asosida tashkilot doirasida keyingi yilda ishlarni yaxshilash bo'yicha umumiy majburiyat ishlab chiqiladi. Rahbariyat korxonaning ish rejasiga taklif qilingan iqtisodni kiritishi kerak.