Mavzu: bozor segmentatsiyasi va xaridorlar turlari

MAVZU: Bozor segmentatsiyasi va tovarni bozorda pozitivlashtirish

Reja

1. Bozor segmentatsiyasining mohiyati, ahamiyati va xususiyatlari.

2. Bozor segmentatsiyasi turlari

3.Bozor segmentatsiyasining asosiy tamoyillari

4.Maqsadli bozor segmentlarini tanlash va tovarni bozordagi joylashish pozitsiyasi

1. Bozorni segmentalashning mohiyati, ahamiyati va xususiyatlari

Marketing boshqaruvi tizimida bozor segmentatsiyasi muhim ahamiyatga ega va bozorda talabni o’rganish yoki marketologlar atamasi bilan aytganda «iste’molchini tahlil etish» - bozorlar holatini tahlil etishdagi birinchi bosqich hisoblanadi. U uch tarkibiy qismga bo’linadi:

• bozor segmentatsiyasi;
• iste’molchi talabi sabablarini o‘rganish;
• qondirilmagan ehtiyojlarni aniqlash.

Bozorni segmentalash atamasini Uendell Smit 1956 - yillarda AQSh da keng tarqalgan ishlab chiqarish strategiyasi bilan bog’liq holda birinchi bor qo’lladi. Bu strategiya potentsial iste'molchilar guruhlari orasida aniqlangan talablarga ko’ra ishlab chiqaruvchilar o’z tovarlarining sifat tavsiflarini modifikatsiyalashdan iborat.

Bozor segmentatsiyasi talabni qondirishga tabaqalangan holda yondashuvga, tovarlarning turi, sifati va miqdoriga ko’ra har xil talab qo’yadigan iste’molchilarni guruhlarga ajratishda turli mezonlar qo’llashga asoslanadi, ya’ni bozor bir jinsli hodisa tarzida emas, balki ayrim-ayrim segmentlar majmui tarzida, har bir segment doirasida alohida o’ziga xos bir talab namoyon bo’ladigan hodisa tarzida olib qaraladi.

Bozor segmentatsiyasi talabni qondirishga tabaqalangan holda yondashuvga, tovarlarning turi, sifati va miqdoriga ko’ra har xil talab qo’yadigan iste’molchilarni guruhlarga ajratishda turli mezonlar qo’llashga asoslanadi, ya’ni bozor bir jinsli hodisa tarzida emas, balki ayrim-ayrim segmentlar majmui tarzida, har bir segment doirasida alohida o’ziga xos bir talab namoyon bo’ladigan hodisa tarzida olib qaraladi.