Mavzu. Boshlang‘ich ta’lim pedagogikasida ta’lim qonuniyatlari, qoida va pirinsiplari. Boshlang‘ich ta’lim metodlari va vositalari reja

Ma’ruza metodi qanday metod? Ma’ruza yirik hajmdagi o’quv materialini og’zaki bayon qilish metodi sanalib, u qat’iy mantiqiy izchillik, ketma-ketlik, uzatilayotgan axborotlarning ko’pligi, bilimlar bayonining tizimliligi kabi o’ziga xos xususiyatlarini namoyon etadi.
Ma’ruza metodini samarali qo’llashning asosiy shartlari nimalardan iborat?
Ma’ruza metodini samarali qo’llashning asosiy shartlari quyidagilardan iborat:

• 
  ma’ruza rejasini tuzish;
  
• 
  o’quvchilarni ma’ruza mavzusi va rejasi bilan tanishtirish;
  
• 
  ma’ruza bandlarini mantiqiy izchillik va ketma-ketlikda bayon etish;
  
• 
  har bir bandini qisqacha xulosalash;
  
• 
  ma’ruzaning bir qismidan ikkinchisiga o’tishda mantiqiy aloqadorlikni ta’minlash;
  
• 
  ma’ruzani muammoli va hissiy tarzda bayon qilish (bunda nutq imkoniyati, misollar, aniq dalillar va qiyoslashlardan foydalaniladi);
  
• 
  o’quvchilarning bilish faoliyatini mahorat bilan boshqarish;
  
• 
  ma’ruzaning muhim jihatlarini ochib berish;
  
• 
  o’quvchilarga ma’ruzaning asosiy o’rinlarini yozib borish uchun imkoniyat yaratish;
  
• 
  muhim o’rinlarni ta’kidlab ko’rsatish;
  
• 
  ma’ruza mazmunini ko’rgazmali tarzda (namoyish, illyustratsiya, videofilьm va boshqalardan foydalangan holda) yoritish.
  

Maktab ma’ruzasi nima? Maktab ma’ruzasi – bir soatlik mashg’ulot davomida o’rganilayotgan mavzuning umumiy mohiyatini ochib berish, unda ilgari surilgan g’oyalar asosida ilmiy xulosalar chiqarish, ularni umumlashtirish asosida bilimlarni muayyan izchillikda bayon etish shakli.
Ko’rgazmali metodlarning qanday turlari mavjud? Ko’rgazmali metodlarning namoyish, tasvirlash, ekskursiya kabi turlari mavjud.
Namoyish metodi qanday maqsadlarda qo’llaniladi? Namoyish metodi o’rganilayotgan ob’ekt harakat dinamikasini ochish, predmetning tashqi ko’rinishi, ichki tuzilishi haqida ma’lumot berish maqsadida qo’llaniladi.