Мавзу: Бачадон буйини ва танасининг рак олди ва фон касалликлари. Ташхислаш. Текшириш. Дифференциал диагностика ва уаш тактикаси

Эндометрий полиплари эндометрий ўчоқли гиперплазиясини ифодалайди. Кўпинча улар эндометрийнинг гиперплазияланган базал қаватидан келиб чиқади. Эндометрий полипларининг қуйидаги шаклларини тафовутлаш қабул қилинган:1) безли, базал қаватдан келиб чиққан; стромалар ва безлардан ташкил топган, ичи кенгайган бўлиши мумкин (без-кистоз полип); 2) без-фиброзли полиплар, бириктирувчи тўқимали стромалардан ва чекланган сонли безлардан; 3) фиброзли полиплар - бириктирувчи тўқимали ҳосилалардан, кўп ҳолларда коллагенли; безлар жуда кам ёки йуқ. Репродуктив ёшдаги аёлларда полиплар безли тузилишга эга. Безларнинг интенсив пролиферациясида аденоматоз хусусиятниолади. Безларнинг интенсив пролиферациясида полиплар аденоматоз хусусиятга эга бўлишади.
Эндометрий полипларини клиник кўриниши аёлларнинг ёшига, тухумдонларнинг гормонал ва репродуктив функциясига, ёндош касалликларнинг борлигига (бачадон миомаси, аденомиоз, бачадон ортиқлари яллиғланиш касалликлари) боғлиқ.
Полипларнинг жуда кўп учрайдиган симптоми ҳайз циклининг бузилиши. Репродуктив ёшдаги аёлларда полипларда эндометрийнинг нормал фаолияти фонида ҳайз цикли сақланган ҳолда, ҳайзлараро ва ҳайз олдидан кам пушти ажралмалар кузатилади, шунингдек ҳайз қони миқдори ошади.
Ташхислаш. Эндометрий полипига гумон қилинганда ташхислаш мақсадида УТТ, гистероскопия, гистерография, 32Р радиоизотоп текширувлари ўтказилади.
Даволаш. Гистероскоп назоратида кейинчалик бачадон танаси шиллиқ қаватини қириш бажарилади. Полипларни олиб ташлагандан кейин беморларни олиб бориш тактикаси эндометрий тузилиши, хусусияти ва аёлда модда алмашинуви бузилиши касалликлари ҳисобга олиб белгиланади.
Амалий кўникмалар:

1. 
   Кўзгуда кўрик
   

2. 
   Бимануал кўрик
   

3. 
   Папаниколау бўйича суртма олиш