Мавзу: Бачадон буйини ва танасининг рак олди ва фон касалликлари. Ташхислаш. Текшириш. Дифференциал диагностика ва уаш тактикаси

Мавзу: Бачадон буйини ва танасининг рак олди ва фон касалликлари. Ташхислаш. Текшириш. Дифференциал диагностика ва УАШ тактикаси.
“Фон жараёнлари“ термини билан ўз вақтида ташхисланиши ва давоси ўсма касалликларининг олдини олиш тадбирларида муҳим бўғин ҳисобланувчи, келтириб чиқарадиган сабаби ва морфологик кўриниши билан турлича бўлган ҳасталиклар бирлаштирилади. Эктоцервикс ( бачадон бўйнининг қин қисми ) қин шиллиқ қаватининг давоми бўлган, базал мембранада ётувчи кўп қаватли ясси эпителий билан қопланган. Цервикал канални эса, бир қаватли цилиндрик эпителий қоплаб туради. Ташқи бўғиз соҳасида ясси эпителийни цилиндрик эпителийга ўтиш жойи – трансформация зонаси бўлиб, айниқса шу қисмда ҳужайраларнинг атипик трансформацияси кўпроқ содир бўлади.
Бошқа аъзоларга тарқалиш камайишга мойил эмаслиги туфайли, бачадон бўйни ва танаси фон ҳамда рак олди касалликлари долзарблигича қолмоқда. Репродуктив ёшдаги аёлларда учрайдиган гинекологик касалликларнинг 10 % дан 15 % гача бўлган қисмини бачадон бўйнининг хавфсиз ( ўсма бўлмаган ) жараёнлари ташкил этади.
Бачадон бўйнида морфологик ўзгаришлар касаллик клиник белгилари юзага чиқишидан анча эртароқ содир бўлиши бизга маълум, бунинг натижасида эса, 75 % беморларда бачадон бўйни ўсмаси касалликнинг 2 - ва бошқа кечки босқичларида ташхисланади.
Бачадон бўйни фон ҳамда рак олди касалликларининг таснифи (Бохман Я.В. бўйича):
Клиник – морфологик таснифга кўра, бачадон бўйни ҳасталиклари фон, рак олди ва ўсма касалликларига ажратилади.
I Фон жараёнлари

1. 
   бачадон бўйни эрозияси
   

- туғма
- чин
- псевдоэрозия

2. 
   лейкоплакия
   

- оддий
- бачадон бўйнини эрозияси билан бирга учрайдиган кучли лейкоплакия
- шакли ўзгарган бачадон бўйнини даги кучли лейкоплакия

2. 
   бачадон бўйни эктропиони
   
3. 
   эритроплакия
   

3. 
   бачадон бўйни полипи