Mavzu: Aybdor o'z qilmishiga amalda pushaymon bo'lganda jazo tayinlash tushunchasi asoslari

Bir necha jinoyatlar sodir etganlik uchun jazo tayinlashning bir necha hukm yuzasidan jazo tayinlashdan farqi

Bir necha jinoyat sodir etish uchun jazo tayinlash

Bir necha hukm yuzasidan jazo tayinlash

- ikki yoki undan ortiq jinoyat sodir etilib, ulardan birortasi uchun ham sudlanmagan bo’lishlik; - jazo tayinlashda shaxs restidivist, xavfli restidivist yoki o’ta xavfli restidivist deb topilmasligi; - agarda sodir qilingan jinoyatlar jinoyatlar ideal jamini tashkil qilsa, jazoni og`irlashtiruvchi holat sifatida baholanmasligi mumkinligi; - jinoyatlar jinoyatning ideal jami deb topilib, jazo tayinlangan bo’lsa, javobgarlik yoki jazodan ozod qilish qo’llanilishi mumkinligi.

- ikki yoki undan ortiq jinoyat sodir etilib, dastlabki jinoyat uchun hukm chiqarilgandan keyin, to jazo muddati tamom bo’lmasdan yangi jinoyat sodir etilishligi; - qilmish restidiv jinoyat deb topilishi. Shaxs xavfli restidivist yoki o’ta xavfli restidivist deb topilib, jazo tayinlanishi mumkinligi; - hamma vaqt og`irlashtiruvchi holat sifatida baholanishligi; - ushbu turdagi jazo tayinlashda javobgarlik yoki jazodan ozod qilish qo’llanilishi mumkin emasligi.

6. Jazolarni qo’shishning hisoblash qoidalari.

Asosiy jazolarni qo’shib hisoblash ozodlikdan mahrum qilish jazosi miqdoriga qarab belgilanadi. JK 61-moddasiga ko’ra har-xil turdagi asosiy jazolarni ko’shganda ozodlikdan mahrum qilishning bir kuni:

- qamoq yoki intizomiy qismga jo’natishning bir kuniga;
- axloq tuzatish ishlari yoki xizmat bo’yicha cheklashning uch kuniga to’g`ri keladi.
Jarima yoki muayyan huquqdan mahrum qilish tariqasidagi jazolar ozodlikdan mahrum qilish, intizomiy qismga jo’natish, qamoq, xizmat bo’yicha cheklash, axloq tuzatish ishlari jazolari bilan ko’shilganda har qaysi jazo turi alohida ijro etiladi.
JK 61-moddasi qoidalariga ko’ra axloq tuzatish ishlari, xizmat bo’yicha cheklash, qamoq va intizomiy qismga jo’natish jazolari biri-biri bilan qo’shilmaydi, balki ushbu jazo turlari faqatgina ozodlikdan mahrum qilish jazosigagina qo’shilishi mumkin.
Sud jazo tayinlash vaqtida dastlabki qamoq (jinoiy jazo turi emas, balki ehtiyot chorasining bir turi bo’lib, ayblanuvchi, sudlanuvchi sodir etgan jinoyatining xavfliligi tufayli u surishtiruvdan, dastlabki tergovdan va suddan yashirinishi mumkin degan taxmin bo’lganda sud tomonidan beriladigan sankstiya asosida hukm chiqqunga qadar shaxsni ushlab turish )ning har bir kunini esa:
- qamoq, intizomiy qismga jo’natish va ozodlikdan mahrum qilishning bir kuniga;
- axloq tuzatish ishlari yoki xizmat bo’yicha cheklashning uch kuniga tenglashtirib hisoblanadi (JK 62-moddasi).