Mavzu: Aybdor o'z qilmishiga amalda pushaymon bo'lganda jazo tayinlash tushunchasi asoslari

5. Bir necha hukm yuzasidan jazo tayinlash.
Bir necha xukm yuzasidan jazo tayinlash deb - mahkum hukm chiqarilganidan keyin asosiy va qo’shimcha jazolarni to’la o’tamay turib, yangi jinoyat sodir etsa, sud yangi hukm bo’yicha tayinlangan jazo muddatiga ilgarigi hukm yuzasidan o’talmay qolgan jazo muddatini to’la yoki qisman qo’shib jazo tayinlashiga aytiladi.

Bir necha hukm yuzasidan jazo tayinlash shartlari:

- qilmishning qasddan yoki ehtiyotsizlikdan sodir etilganligi; - shaxsning sodir etgan jinoyati bo’yicha sud hukmining qonuniy kuchga kirganligi; - jinoyat yuzasidan tayinlangan asosiy va qo’shimcha jazo muddatining tugamaganligi; - ushbu jazo muddati tugamasdan turib yangi jinoyat sodir etilishi; - hukmlar majmui bo’yicha belgilangan jazo yangi jinoyat uchun belgilangan jazo muddatidan ham, ilgarigi hukm bo’yicha belgilangan jazoning o’talmay qolgan qismidan ham ko’proq bo’lishi lozimligi.

Bir necha hukm yuzasidan jazo tayinlashda, ozodlikdan mahrum qilish tariqasida uzil-kesil tayinlanadigan jazo muddati - yigirma besh yildan, voyaga etmaganlarga, oltmish yoshdan oshgan erkaklar hamda ayollarga nisbatan esa - o’n besh yildan ortiq bo’lishi mumkin emas.

Bir necha hukm yuzasidan jazo tayinlash tartibi
Sodir etilgan jinoyatlar uchun tayinlangan jazolar har-xil turdagi jazolarni tashkil qilsa.	- jazolarni qo’shish yo’li bilan jazo tayinlanib, JKning 61-moddasida nazarda tutilgan qoidalarga amal qilingan holda jazoning og`irroq turi uzil-kesil tayinlanadi. Ushbu qoida faqatgina, tayinlangan jazolardan biri ozodlikdan mahrum qilish jazosini tashkil qilsagina qo’llaniladi.
Jazolar axloq tuzatish ishlari yoki xizmat bo’yicha cheklash jazolarini tashkil qilsa va ish haqi yoki pul ta’minotidan ushlab kolishning har-xil miqdori belgilangan hollarda.	- jazolarning faqat muddatlari ko’shiladi; - pul ta’minotidan ushlab qolish miqdori sodir etilgan har-bir jinoyat uchun alohida- alohida ijro etiladi.
Tayinlangan jazolar jarima yoki axloq tuzatish ishlari jazolarini tashkil qilsa.	- ushbu jazo turlari boshqa jazo turlaridan alohida ijro etiladi.
Uzoq muddatga ozodlikdan mahrum qilish jazosini tayinlangan bo’lsa..	- jazolarni qo’shishda engilroq turdagi jazoni uzoq muddatga ozodlikdan mahrum qilish jazosi bilan qoplash yoxud jazolarni to’la yoki qisman qo’shish yo’li bilan jazo uzil-kesil tayinlanadi.
Umrbod ozodlikdan mahrum qilish jazosini tayinlangan bo’lsa..	- jazolarni qo’shishda engilroq turdagi jazoni umrbod ozodlikdan mahrum qilish jazosi bilan qoplash orqali jazo uzil-kesil tayinlanadi. Ushbu qoida jarima va muayyan huquqdan mahrum qilish jazosiga ham taalluqli.

Ilgarigi hukm yuzasidan ijro etilmay qolgan qo’shimcha jazolar hukmlar jami tariqasida tayinlangan asosiy jazoga qo’shib tayinlanadi.