Mavzu: Axborot turlari. Sanoq sistemalari. Texnika xavfsizligi. O’qituvchi: Mastonkulov Sanjar turdikulovich

Informatika - kompyuterlar yordami va ularni qo‘llash muhiti vositasida axborotni yangilash jarayonlari bilan bog’liq inson faoliyati sohasi bo‘lib, axborot texnologiyalari (AT) uning tarkibiy qismi hisoblanadi.

Informatika fanining maqsadi - fan, texnika va ishlab chiqarishda, ya’ni inson faoliyatining barcha sohalarida axborotni kompyuter va telekommunikatsiyalar yordamida qayta ishlash, saqlash, uzatish bilan bog‘liq bo‘lgan nazariy va amaliy masalalarini o‘rganishdan iborat

Kompyuterlarda qo‘llanish sohasiga ko‘ra axborot deyilganda, qayta ishlanayotgan ma’lumotlarni simvolli (harf, raqam, kodlashtirilgan grafik obyektlar va tovushlar) belgilashlar ketma- ketligi tushuniladi.

Informatika nazariyasida saqlash, qayta tuzish va uzatish obyekti sanalgan barcha ma’lumotlar axborot sanaladi.

Axborot - bu yaratuvchisi darajasida qolib ketmagan va xabarga aylangan, bilimlar noaniqligi, to‘liqsizligi darajasini kamaytiradigan hamda og‘zaki, yozma yoki boshqa usullar (shartli signallar, texnik vositalar, hisoblash vositalari va hokazo) orqali ifodalash mumkin bo‘lgan atrof-muhit (obyektlar, voqea- hodisalar) to‘g’risidagi ma’lumotlardir.

Axborotlashtirish deyilganda - axborot resurslari, axborot texnologiyalari va axborot tizimlaridan foydalanilgan holda yuridik, va jismoniy shaxslaming axborotga bo‘lgan ehtiyojlarini qondirish uchun uchun shart-sharoit yaratilishining tashkiliy ijtimoiy-iqtisodiy va ilmiy texnikaviy jarayon tushuniladi.

Axborotning yetishmasligi axborotga nisbatan ehtiyojni - biror soha to’g‘risidan jamiyat tomonidan to‘plangan bilim va alohida bilimlar o‘rtasidagi farqni anglashni keltirib chiqaradi.

Ishlab chiqarishni va insoniyatning barcha faoliyat sohasini axborot bilan to’ldirish jarayoni axborotlashtirish deyiladi.

Jamiyatni uzluksiz axborotlar bilan to‘ldirib borish natijasida axborotlashgan jamiyat yuzaga keladi.

Bu jamiyaida barcha fuqorolar, iqtisodiy obyektlar va davlatning axborotga bo’lgan ehtiyojini qondirish uchun hamma sharoitlar yaratilgan bo’ladi. Mehnat qiluvchilarning ko‘pchiligi axborot ishlab chiqarish, saqlash, qayta ishlash va sotish bilan band bo’ladi yoki bu jarayonlarsiz ishlab chiqarish majburiyatlarini bajara olmaydigan bo’ladi.