Mavzu: Avtomatik tizimda loyihalash haqida umumiy ma’lumotlar va smeta hujjatlari, qurulishni tashkil etish loyihasi

Mavzu: Avtomatik tizimda loyihalash haqida umumiy ma’lumotlar va smeta hujjatlari, qurulishni tashkil etish loyihasi.
Reja:

1. 
   Avtomatik tizimda loyihalash haqida umumiy ma’lumotlar.
   
2. 
   Smeta hujjatlari.
   
3. 
   Qurulishni tashkil etish loyihasi.
   
4. 
   Xulosa.
   
5. 
   Foydalanilga adabiyotlar.
   

Avtomatik tizimda loyihalash haqida umumiy ma’lumotlar.
Kon korxonalarini loyihalashda hal qilinadigan asosiy masalalar to’rt turga: texnik, kon-geometrik, iqtisodiy va texnik-iqtisodiy turlarga bo’linadi.

Variantlarni iqtisodiy baholashni shart emasligi, masalalarni bir xilda echilishi texnikaviy masalalarning ajralib turuvchi o’ziga xos xususiyatlari hisoblanadi. Texnikaviy masalalar odatda klassik usulda hal etiladi. Ular dam-badam standart, matematik usulda echiladi. Kon ishlab chiqarishida bu turdagi masalalarga kon bosimini bort va pog’ona qiyaligining ustuvorligi, quritish, ish mashinalarining parametrlarini aniqlash masalalari, kavjoy elementlari, mashinalarning unumdorligi, qurilish, santexnika, issiqlik texnikasi v.b. masalalar kiradi.
Kon geometrik masalalarga kon bo’yicha ruda turlari va sortlariga bo’lingan foydali va qoplama jinslarining yuzasini, hajmini aniqlash masalalari, gidrogeologik ma’lumotlar asosida aniqlanganlik toifasi, skvajinalarga asosiy gorizontlar bo’yicha planlarni qurish masalalari, ko’ndalang kesimlarni gorizontal planlarga o’zgartirish, karer maydonlarini geometrik tahlili, kon ishlari rejimi jadvallarini tuzish kiradi.
Iqtisodiy masalalarga harajatni va daromadni, mahsulotning tannarxini, qurilishning smeta narxini, mehnat sig’imini, foyda va rentabellikni aniqlash kiradi.
Texnik-iqtisodiy masalalarga optimal qarorlarni tanlash masalalari kiradi. Texnik va texnologik talablarga javob beradigan, lekin texnik-iqtisodiy ko’rsatkichlarning natijalari bilan farqlanadigan qarorlarning ko’pligi ularning ajralib turuvchi o’ziga xos xususiyatlari hisoblanadi. SHu tufayli berilgan mezonga ko’proq darajada javob beruvchi variantlarni iqtisodiy baholash va optimal qarorlarni tanlash zaruriyati tug‘iladi. Texnik-iqtisodiy masalalar turli xildadir. Ular karerni loyihalash paytida karerni asosiy ko’rsatkichlarini optimal variantlari, texnologiya va mexanizatsiya kabi bosh prinsipial masalalarni, shuningdek texnologiya va mexanizatsiyalashtirish bo’limlarining optimal variantlari bo’lgan ikkinchi darajali masalalarni ham o’z ichiga oladi. Ular texnik-iqtisodiy tahlilning turli usullari bilan hal etiladi.
Hisoblash aniqligi bo’yicha masalaning toifasi dastlabki ma’lumotlardagi ijozatli xatoliklarga bo’lgan talabni, hal etish usulini, hisoblash aniqligini, mehnat sig’imini va masalani hal etish davomiyligini aniqlaydi. Konditsiyani asoslash bosqichida, balans zahiralarni belgilashda, loyihalashga topshiriqni ishlab chiqishda va ayrim hollarda TIA tuzishda masalalar taxminan hal etiladi.
Loyihalash obektining masshtabi bo’yicha loyihalash masalalari besh guruhga bo’linadi:
Tarmoqni loyihalash masalalari, obekti kon sanoati tarmog’i hisoblanadi;
tuman-tarmoqni (tumanni) loyihalash masalalari, obekti iqtisodiy-geografik tuman yoki havza hisoblanadi;
bir necha korxonalarni, karerlarni, boyitish fabrikalarini o’z ichiga olgan yirik sanoat birlashmalari va kon-boyitish kombinatlarini loyihalash masalalari;
karer yoki uchastkani loyihalash masalalari, obekti alohida kon korxonalari hisoblanadi;
uchastkani loyihalash masalalari, obekti alohida uchastka yoki karer parametri, texnologiya, taraqqiyotning bo’g’ini yoki elementi hisoblanadi.
Turli xil masalalar uchun baholash me’zonlari, baholanadigan variantlar soni, hal qilish usullari, hal qilishda ijozatli xatolik, dastlabki ma’lumotlarni topshirish shakli turli xil bo’ladi. Tarmoq yoki tuman masalalari odatda kompleks loyihalash, TIA yoki havza, tumanni rivojlantirishning istiqbolli rejasi predmeti hisoblanadi. Uchastka masalalari odatda mahalliy loyiha va korxonaning joriy rejalari predmeti hisoblanadi.