Мавзу: Ҳaракат аъзолари системаси. Режа

Скелетнинг тузилиши. Скелет 200 дан кўп суяклардан тузилган. Баъзи суяклар бир — бири билан қўшилиб бўғим бўшлиқни хосил қилади ва бу ерда жойлашган органларни ҳимоя қилади. Масалан, бош суяк бўшлиғи ичида жойлашган бош мия хамма томондан суяклар билан ўраб олинган. Қовурғалар, тўш суяги ва умуртқа иоғонасининг кўкрак қисмидан хосил бўлган кўкрак қафаси ўз ичида жойлашган ички органлар ўпка, юрак ва хоказоларни ҳимоя қилади. Тос бўшлиғида хам мухим органлар жойлашади. Шунинг билан бирга, юқорида айтиб ўтилгандек, суяклар мускулларнинг келиб ёпишиши учун дастак вазифасини ҳам бажаради; мускуллар эса қисқариши иатижасида бу суякларнинг фазода бир — бирига нисбатан ёки бутун танага нисбатан силжишини таъминлайди. Кўпчилик суяклар жуфт бўлади.

Одам скелети суякларининг шакли ва катта — кичиклиги ҳар хил бўлади. Узун, қисқа ва ясси суяклар бўлади. Қўл ва оёқ скелети, асосан, танаси ва икки учи бўладигая найсимон узун суяклардан тузилган. Узун суякнинг танаси диафиз, учлари эпифизлар деб аталади. Одам скелетида юқорида айтиб ўтилганлардан ташқари, яна аралаш суяклар ҳам бўлади, масалан, думгаза ва чакка суяги. Калланинг баъзи суякларида ҳаво билан тўлган бўшлиқлар бор.Бундай суяклар ҳаво сакловчи суяклар деб аталади, масалан, юқори жағ суягиа ва бошқалар.