Mavzu: Arab tilidan o’zbek tiliga tarjimonlikning o’ziga xos xususiyatlari. Reja Kirish Asosiy qism

Arab va o‘zbek tilidagi portlovchi shovqinlilar.: Arab tilidagi portlovchi tovushlar ham xavoning nutq a'zolaridagi to‘siqni yorib o‘tib, portlash yo‘li bilan chiqishi natijasida talaffuz qilinadi. Portlash yuqori va pastki lablar, til va tillar, til va tanglay o‘rtalarida, xullas, nutq a'zolarining turli o‘rinlarida sodir bo‘lishi mumkin.
“ب” “(b) fonemasi – lab o‘rtasi undoshi, jarangli. Bu tovush o‘zbek tilidagi “b”ning nusxasi. biroq arab “b”si o‘zbek tilidagidek, so‘z o‘rtasi yoki oxirida jarangsizlanmaydi, ya'ni “p”lashmaydi.
“ت” (t) fonemasi – tanglay oldi tovushi, til ortida talaffuz qilinadi, jarangsiz. o‘zbek tilidagi “t”ning nusxasi (ekvivalenti).
د “d” fonemasi –tanglay oldi tovushi, tish ortida talaffuz qilinadi, jarangli. u jarangsizlar ta'siri ostida o‘z jarangini yo‘kotmaydi.
Binobarin, uning o‘zbek tilidagi kabi “t”lashuvi ro‘y bermaydi. ك “k” fonemasi – tanglay o‘rtasi undoshi, jarangsiz. arab “k”si rus tilidagidek chuqur emas. Shuningdek, u o‘rniga qarab ba'zan yumshoq, ba'zan esa qattiq talaffuz qilinmaydi ham. Balki u doimo bir xil – xuddi o‘zbek tilidagidek, bir oz yumshoqroq artikulyasiya oladi.
ق “q” fonemasi – chuqur tanglay orqasi undoshi, jarangsiz. Til o‘zagining ishtiroki bilan talaffuz qilinadi. U o‘zbek “q” fonemasiga to‘la mosdir.
O‘zbek tilidagi sirg‘aluvchi undosh “s” va arab tilidagi tish o‘rtasi
sirg‘aluvchisi “s:” ث o‘rtasidagi tafovutlar:
Ma'lumki o‘zbek tilidagi “s” fonemasi – shovqinli jarangsiz undosh. U til oldida talaffuz qilinuvchi tanglay oldi sirg‘aluvchi, jarangsiz shovqinli. U ustki va ostki tishlar o‘rtasida talaffuz qilinadi. Bunday tovush hozirgi zamon o‘zbek tilida yo‘q. Uning artikulyasiyasida til uchini tishlar orasiga shunday joylashtirish kerakki, u yuqoridagi tishlarga mahkam jipslashib tursin. Shunda til uchi bilan pastki tishlar orasida kichik tirqish qoladi. nutq a'zolarining shunday holatida “s:” ث kuch bilan talaffuz qilinadi. masalan: تشَبثََّ، ثباث