Мавзу: Қандли диабет ва ҳомиладорлик, жигар касалликлари ва ҳомиладорлик

4.2. Аналитик қисм
1-масала
Аёллар маслаҳатхонасига ҳомиладорлик муддати 24 ҳафтали бўлган аёл мурожаат қилди, унинг шикоятлари қуйидагилардан иборат: 7 кун давомида тери қопламларининг сарғайганлиги, енгил тери қичимаси. Охирги 2 ҳафта давомида эса ҳолсизланиш, уйқу босиш, иштаҳанинг пасайиши, чарчаш. Охирги 3 кунда пешобнинг тўқариши ва кўпчиши, ахлатнинг оқариши кузатилган. Анамнездан шу аниқ бўлдики, аёл охирги 3 ой ичида стоматолог ҳузурида даволанган. Кўрикдан ўтказилганда- тери юзаси, кўз склераси, қаттиқ танглайнинг сарғайганлиги аниқланди. Бачадон овоид шаклда, нормотонусда, ҳомила ҳолати бўйлама, бошчаси билан олдинда, ҳомила юрак уриши тиниқ, ритмик, минутига 130 марта. Жинсий йўллардан ажралмалар йўқ.
Саволлар:

1. 
   Диагноз.
   
2. 
   УАШ тактикаси.
   

Жавоблар:

1. 
   Ҳомиладорликнинг 28 ҳафтаси. Вирусли гепати «В» га шубҳаланиш.
   
2. 
   Ташҳис учун қоннинг биокимёвий анализини ўтказиш, қонни вирусли инфекция маркерларининг: HbsAg, HA-Ag, анти - HAV IgM, РНК -HCV мавжудлигига текшириш. Касаллик тасдиқланганда юқумли касалликлар шифохонасига ёки ВГли ҳомиладорлар учун махсуслаштирилган бўлимларга тезкор госпитализация қилиш.
   

2-масала
20 ёшли биринчи марта туғаётган аёл ҳомиладорликнинг 29 ҳафтасида. Аёл чанқаш, иштаҳанинг ошиши, полиурия, полидепсияга шикоят қилди. Анамнезда яқин қариндошларда қандли диабет.
Саволлар:
1. Диагноз.
2. УАШ тактикаси.
Жавоблар:
Хомиладорликнинг 28 ҳафтаси. Гестацион қандли диабетга шубҳаланиш.

3. 
   Қонда ва пешобда қанд миқдорини аниқлаш. Қанднинг юқори миқдорида эндокринолог билан биргаликда инсулинотерапия ва рационал парҳез билан даволаш, гестацион даврнинг кечишини кузатиш, ҳомиладорлик асоратларини олдини олиш ва даволаш, туғруқ муддатини ва усулини танлаш, адекват реанимацион тадбирларни ўтказиш ва янги туғилган чақалоқларни парваришлаш, кейинчалик қандли диабети бўлган бемор оналарнинг авлодларини кузатиш.