Mavzu: andijon viloyati marhamat tumanidagi qadimgi mingtepa arxeologik yodgorligi va rekonstruksiyasi

Mirzo Ulug’bek nomidagi O’zbekiston Milliy Universiteti
Tarix fakulteti “Tarixshunoslik, manbashunoslik va tarixiy tadqiqot usullari” yo’nalishi 1-bosqich magistranti Xasanboy Karimovning “Tarixiy rekonstruksiya” fanidan tayyorlagan mustaqil ish
Taqdimoti
MAVZU: ANDIJON VILOYATI MARHAMAT TUMANIDAGI QADIMGI MINGTEPA ARXEOLOGIK YODGORLIGI VA REKONSTRUKSIYASI.
Reja:

• Mingtepa arxeologik yodgorligi
• Mingtepa qadimgi Farg’ona poytaxti
• Qadimiy Mingtepa buyuk kelajakka xizmat qilmog’i zarur
• Xulosa

Mingtepa haqida
Andijon viloyati Marhamat shahrining sharqiy qismida, Andijon shahri markazidan 38 km uzoqlikda joylashgan. Milloddan avvalgi V-IV va milodning IV asrlarda hukm surgan Dovon davlatining poytaxti bo’lgan Ershi shahrining xarobalaridir. Xitoy yozma manbalarida tilga olingan “Buyuk ipak yo’li”da joylashgan bu mahobatli shahar o’zining hunarmandchiligi, dexqonchiligi va “Samoviy tulporlari” bilan dunyoga mashhur bo’lgan.
Mustaqillik yillarida Vatanimiz tarixini hali ochib ulgurilmagan sahifalarini izlab topish va o’rganish imkoni yaratildi. 2011-yili O’zbek va Xitoy fanlar akademiyalari qadimiy Mingtepa madaniyatini o’rganish bo’yicha besh yillik arxeologik ekspeditsiya tashkil etish uchun hamkorlik bitimini tuzganlar. 2012-yildan buyon ikki mamlakat olimlarining hamkorligi davom etmoqda. Jahon va o’zbek olimlarining aksariyati ta’kidlaganlaridek, butun dunyoga o’nlab tillarda ko’rsatuv olib boruvchi Xitoy davlatining SSTV nomli birinchi telekanali o’zbek va xitoy arxeologlari, tarixchilari hamda mahalliy ziyolilar va keng jamoatchilik ishtirok etgan, qadimiy Mingtepa shahri o’rnida hamkorlikka bag’ishlangan yodgorlikni ochilishi to’g’risida axborot berish chog’ida quyidagilarni e’tirof etdi:
“Eramizdan avval VI-V asrlarda Farg’ona vodiysi xududida zich yashovchi aholiga ega bo’lgan boy Dovon (Davan) mamlakati joylashgan. U keyinchalik Mingtepa deb nom olgan poytaxt Ershi va 70 ta shaharlardan tarkib topgan. Bu katta savdo shahar orqali Buyuk Ipak yo’li o’tgan”.