Mavzu: Alohida yordamga muhtoj bo’lgan bolalar predmetli amaliy ta’lim darslar tizimi va shakli Reja

Predmetli amaliy ta'lim darslarida ishni tashkil qilish shakllari va ish turlari:
Yuqorida aytib o’tganimizdek, predmetli amaliy ta'lim darslarida faoliyatni tashkil qilishning turli shakllaridan foydalaniladi:

1. 
   O’qituvchining sinf bilan yalpi (frontal) ishi.
   
2. 
   «Kichik o’qituvchi bilan ishlash».
   
3. 
   Guruh bo’yicha ishlash.
   
4. 
   Juftlik bilan ishlash.
   
5. 
   O’quvchilarning yakka ishlashi.
   

Predmetli amaliy ta'lim darsida buyumni tayyorlash bo’yicha ish rejasini tuzish 1-sinfdan boshlanadi. U bilan parallel ravishda topshiriqni tushunish, tuzish va ish yuzasidan hisobot berish rivojlantiriladi.
Masalan, har bir sinf bo’yicha predmetli amaliy faoliyatni rejalashtirish o’z yo’nalishlariga ega: topshiriqni tushunish va bajarish, buyumni tayyorlash rejasini tuzish, kerakli ish qurollari va jihozlarni aniqlash, o’rtog’iga topshiriq berish va ish yuzasidan hisobot berish kabilar amaliy faoliyatni rejalashtirishni shakllantiradi.
Predmetli-amaliy faoliyatdan foydalanish quyidagi vazifalarni hal qiladi:
1.Umumta'lim predmetlarini o‘qitish uchun asos sifatida kundalik-maishiy tushunchalarni shakllantirish.
O‘quvchilar har xil narsalarni yasash bilan o‘ng, chap, orqada, tepada, yonida, o‘rtada, so‘ra, ayt, ber kabi so‘zlarni hamda so‘z birikmalarini o‘rganadilar. Ular o‘rgangan va bevosita amalda qo‘llagan nutq materiallari nutq o‘stirish, «yakka mashg‘ulot» va boshqa darslarda uchraydi. Ayrim tushunchalar bevosita predmetli munosabatda o‘zlashtiriladi. Masalan: «bo‘lak», «yarim», «andoza», bolalar topshiriqni bajaradilar (andoza qirqing, qog‘ozni buklang, qirqing, bir bo‘lagini oling).
Predmet amaliy ta'lim darslarida matematik tushunchalar ham o‘zlashtirilib, ular aynan matematika darslarida mustahkamlanadi.
Ikki qismga bo‘ling. Plastilinni ikki qismga bo‘ldim.
Teng ikkiga bo‘ling. Plastilinni teng ikkiga bo‘ldim.
Uchburchakni qirqing. Uchburchakning chetini qiriqdim.
Doirani bo‘yang. Doirani chizig‘igacha bo‘yadim.