Mavzu: aka-uka grimmlar ertaklari

Yangi mavzu bayoni:

Maqollar chuqur ma’noni ifoda eta bilishi, ixcham, pishiq va puxtaligi bilan xalq og‘zaki ijodining boshqa turlaridan farq qiladi. Ularda mehnatkash xalqning orzu-umidlari, o‘zaro munosabatlari, vatanparvarlik, insonparvarlik xislatlari, o‘y-fikrlari o‘ziga xos shaklda aks etgan bo‘ladi. Shu sababdan ular bolalarni to‘g‘ri, mantiqiy fikrlashga, maqsadni qisqa, ixcham va lo‘nda bayon etishga o‘rgatadi, ularning badiiy didini oshiradi, tarixiy hodisalarning mohiyatini yaxshiroq, chuqurroq payqab olishga yordam beradi. Bundan tashqari, maqollar ona tilining eng nozik badiiy xususiyatlarini bilishga va so‘z boyligini ham oshirishga ko‘maklashuvchi bir vosita sifatida xizmat qiladi.

Maqollar mavzu jihatidan boy, xilma-xil va rang-barangdir. Ularda ona-Vatanni sevish, uni tashqi va ichki dushmanlardan ko‘z qorachig‘idek saqlash, unga sodiq bo‘lish g‘oyalari juda ixcham, ohangdor bir shaklda, obrazli ifodalarda gavdalantirilgan: Bulbul chamanni sevar,

Odam Vatanni sevar.

Do‘stlik, birodarlik, dushmanga nafrat, ahillik va birdamlik g‘oyalari ham maqollarning asosiy mag‘izini tashkil etadi:Ko‘kka boqma, ko‘pga boq! Do‘st so‘zini tashlama, Òashlab boshing qashlama.

Maqollarda mehnat insonning ko‘rki, ziynati sifatida ifoda etiladi. Shuningdek, hamkorlikda, kengashib qilingan mehnat serunum bo‘ladi, degan g‘oya ilgari suriladi:Daryo suvini bahor toshirar,

Odam qadrini mehnat oshirar.

Daraxt yaprog‘i bilan ko‘rkam,

Odam mehnati bilan ko‘rkam.

Ko‘pgina maqollarda yoshlar ilm-hunarli bo‘lishga chaqiriladi:Bilagi zo‘r birni yiqar,Bilimi zo‘r mingni yiqar.