Мавзу: Айланма маблағларни нормаллаштиришнинг моҳияти ва аҳамияти нимада. Режа Кириш

3. Айланма маблағлар талабини аниқлаш ва уларни меъёрлаштириш.

Айланма маблағлардан самарали фойдаланиш кўп жиҳатдан уларга бўлган талабини тўғри аниқлашдадир. Маҳсулот сотилишидан тушган тушум корхона ҳисобига келгунга қадар айланма маблағлар уни ишлаб чиқариш ҳаражатларини таъминлайдилар. Ишлаб чиқариш заҳираларни истеъмолидан бошлаб, улар тайѐр маҳсулотга ўтиб, уни сотишига бўлган давр анча узоқ бўлиши, сотилган маҳсулот ҳақи келиши моддий ресурслар истеъмол вақтига тўғри келмаслиги мумкин. Бу эса айланма маблағларни белгиланган миқдорда ташкил қилишни талаб қилади.

Айланма маблағларнинг оптимал эҳтиѐжини тўғри аниқлаш корхона учун минимал сарф ҳаражатлар эвазига белгиланган фойда олиниши учун имкон яратади. Корхонани нормал фаолиятини ташкил қилиш учун зарур бўлган айланма маблағларни иқтисодий асосланган миқдорини аниқлаш жараѐни айланма маблағларни нормалаштириш деб аталади. Бу моддий бойликларнинг бир вақтнинг ўзида ҳам доимий минимал, ҳам етарли заҳираларини ташкил қилиш учун зарур бўлган айланма маблағ ҳажмларини аниқлашдир. Айланма маблағларни нормалаштириш ички резервларни аниқлаш, ишлаб чиқариш циклини қисқартириш, тайѐр маҳсулотни тезроқ сотишга имкон беради.
Айланма фондларнинг ҳамма элементлари ва муомала фондлардан эса фақат корхона омборидаги тайѐр маҳсулот қолдиқлари нормалаштирилган (чекланган) айланма маблағларни ташкил қиладилар. Айланма маблағларнинг қолган элементлари эса нормалаштирилмаган (чекланмаган) айланма маблағлар деб аталадилар, чунки улар ишлаб чиқариш жараѐнига унчалик таъсир этмайдилар, уларнинг ҳажми тез-тез ўзгариб туради, шунинг учун уларга қатъий нормативларни белгилаш қийин.
Айланма маблағларни нормалаштириш жараѐнида уларнинг норма ва нормативлари аниқланади. Айланма маблағлар нормалари корхонадаги товар-моддий бойликларининг минимал заҳираларини ифодалаб, заҳира кунлари, деталлар заҳирасини нормалари бўйича ҳисобланадилар.
Айланма маблағлар меъѐрлари – бу пул маблағлари, улар айланма маблағлар нормалари ва берилган материал турининг ўртача суткалик ҳаражатлари кўпайтмасидан иборат. Нормативлар миқдори ишлаб чиқариш ҳажми, моддий таъминот ва маҳсулотни сотиш шароити, ишлаб чиқариш циклининг давоми ва бошқа факторларга боғлиқ.
Айланма маблағларнинг кўпгина элементлари бўйича норматив қуйидагича ҳисобланади:

Н  Х  Д

бу ерда:

Н – конкрет элемент бўйича айланма маблағлар нормативи;
Х – бир кунлик сарф ҳаражат, у тегишли ишлаб чиқаришга кетган квартал ҳаражатларнинг 90 кунга бўлинмасидан иборат;
Д – айланма маблағларнинг берилган элементи учун заҳира нормаси (кунлар).

Ҳосил бўлиш манбаалари бўйича айланма маблағлар шахсий ва заѐм айланма маблағларга бўлинадилар. Шахсий айланма маблағлар – бу хусусий ресурслар ҳисобидан ташкил топган ва корхона ҳисобида доимий бўлган маблағдир (масалан, фойда ва х.к.).

Унга тенглаштирилган маблағлар – корхона ходимларига тўлаш лозим бўлган иш хаклар ва ижтимоий суғўрта ажратмаларнинг карзлари, моддий ресурслар билан таъминловчилар учун мўлжалланган тўловлар ва х.к. Заѐм маблағлар – банклар кредитлари, кредиторлик қарзлар (тижорат кредити) ва бошқа турли махсус фондлар маблағлари. Кредит – маълум даврга маълум мақсадлар учун мўлжалланган маблағлар, унинг учун корхона белгиланган миқдорда %-да ҳақ тўлайди. Корхонада ташкил топган махсус фондлар маблағларидан сарфлагунга қадар корхона оборитида фойдаланиш мумкин ва улар ички молия ресурс манбааси ҳисобланадилар. Корхонанинг самарали иш фаолияти - бу минимал ҳаражатлар асосида энг юқори натижаларга эришиш. Сарфлар минимизацияси эса – бу аввало айланма маблағларнинг ҳосил бўлиш манбаалари ва структурасини оптимизацияси демакдир, яъни шахсий ва кредит ресурсдарнинг оқилона муофиқлиги.