Mavzu; Aholini ijtimoiy muhofaza qilishda davlat byudjetining o ‘rni va ahamiyati

Mavzu; Aholini ijtimoiy muhofaza qilishda
davlat byudjetining o ‘rni va ahamiyati
Mundarija
I.Kirish
II.Asosiy qism
1.Aholini turmush darajasi tushunchasi
2. Aholini ijtimoiy muhofaza qilishda davlat idoralariningahamiyati
3. Aholini ijtimoiy muhofaza qilishda davlat byudjetining o ‘rni
4. Aholini ijtimoiy muhofaza qilishda davlat byudjetidan ajratilayotgan xarajatlar hisobi

Xulosa
Foydalanilgan adabiyotlar ro‘yxati

KIRISH
Mavzuning dolzarbligi. Bozor munosabatlarining asosiy tamoyillaridan biri respublika aholisini kuchli ijtimoiy himoyalash sanaladi. Ijtimoiy yo‘naltirilgan bozor iqtisodiyoti sharoitidagi rivojlanish bosqichida ham inson manfaatlarining ustuvorligini ta’minlash hayotiy zaruriyatdir. Yangilanish va taraqqiyotdagi O‘zbekiston modelining bosh ustuvor yo‘nalishi zamirida inson manfaatlari yotadi va kuchli ijtimoiy siyosat yuritish markaziy o‘rinni egallaydi.
Shu bilan birga, bugungi kunda aholining turmush darajasini ob’ektiv
statistik ma’lumotlar asosida iqtisodiy tahlil qilish, aholining pul daromadlari va
xarajatlarini o‘rganish, uy xo‘jaliklarining iqtisodiyotda qatnashish darajasi va
xarajatlar tasnifini tahlil etish dolzarb masala hisoblanmoqda. Respublikamizda
aholini ijtimoiy himoya qilish, ish haqi va boshqa pul daromadlarini bosqichmabosqich oshib borishini ta’minlash uchun zarur shart-sharoitlar yaratildi. O‘z navbatida, aholi pul daromadlarining o‘sishi, uning xarid qobiliyatini oshirish, ishlab chiqarish hajmini kengaytirish va mamlakatdagi barqaror iqtisodiy
rivojlanishni ta’minlashda muhim rol o‘ynaydi.
Aholi turmush darajasi – ijtimoiy-iqtisodiy kategoriya bo‘lib, u kishilarning moddiy va madaniy-maishiy ehtiyojining qondirilishi hamda ijtimoiy turmush sharoitining yaxshilanib borishi kabi tushunchalarni o‘z ichiga oladi.
Aholining moddiy ehtiyojlariga oziq-ovqat, kiyim-kechak, turar-joy, yoqilg‘i
va uy-ro‘zg‘or buyumlariga bo‘lgan talablari kiradi. Aholining madaniy-maishiy
ehtiyojlariga insonlarning bilimi, malakasini oshirish, maishiy va kommunal
xizmat ko‘rsatishni yaxshilash kabilarga bo‘lgan ehtiyojlari kiradi.