Мавзу: абу али ибн сино асарларида жисмоний баркамол инсон ғоялари

Ibn Sino qayd qilib o‘tgan badantarbiya turlariga:

• 
  o‘zaro tortishish (arqon tortish);
  
• 
  musht bilan turtishish (boks);
  
• 
  kamondan o‘q otish;
  
• 
  tez yurish (sportcha yurish);
  
• 
  nayza otish;
  
• 
  irqib osilish (gimnastika, uskunalarda osilish mashqlari);
  
• 
  bir oyoqda sakrash;
  
• 
  qilichbozlik;
  
• 
  nayzabozlik;
  
• 
  otda yurish;
  
• 
  ikki qo‘lini silkitish (umumiy gimnastika mashqlari);
  
• 
  bir vaqtda oyoq uchlarida turib qo‘llarini oldiga va orqaga cho‘zib tez harakat qilish mashqlari kiradi.
  

Yuqoridagilardan ko‘rinib turibdiki, buyuk olim Abu Ali ibn Sino tavsiya qilgan badantarbiya mashqlarining turlari bugun bizga yetib kelibgina qolmay, balki shu turlardan xalqaro musobaqalar o‘tkazilib kelinayapti, ushbu harakat o‘yinlari Osiyo va Olimpiada o‘yinlari dasturidan ham o‘rin olgan. Bu tur musobaqalarini ta’lim muassasalari sharoitida ham o‘tkazilishi nazarda tutiladi.

Demak, yosh avlodni hozirgi zamon talablariga tayyor bo‘lishi va muammolarni hal qilishga to‘g‘ri yo‘lni tanlashi uchun sog‘lom, baquvvat bo‘lishi kerak. Buning uchun biz, ta’lim-tarbiya jarayonida shaxsni har tomonlama jismonan baquvvat, barkamol qilib tarbiyalashda:

• 
  jismoniy mashqlar,
  
• 
  to‘g‘ri ovqatlanish,
  
• 
  uyqu,
  
• 
  badanni toza tutish qoidalariga amal qilishni, bularning barchasi inson sog‘ligini saqlashda muhim omillardan ekanligini ham ilmiy, ham amaliy jihatdan muntazam tushuntirib borishimiz lozim.
  

Abu Ali ibn Sino o‘zidan ilgari yaratilgan barcha fan va madaniyat yodgorliklarini egalladi, ularning ko‘p tarmoqlarini rivojlantirdi, natijada uning ilmiy merosi jahon fani va madaniyatiga ulkan hissa bo‘lib qo‘shildi.

Quyida biz dars va darsdan tashqari vaqtlarda foydalanish lozim bo‘lgan IBN SINO HIKMATLARIDAN namunalar keltirmoqchimiz.

Yaxshi va yomon xulqning hammasi sharoit, tarbiya, odatlanish natijasida vujudga keladi. Yaxshi xulqqa ham odat tufayli erishiladi.