Мавзу: абу али ибн сино асарларида жисмоний баркамол инсон ғоялари

UMUMIY XULOSALAR.........................................................................-47

FOYDALANILGAN ADABIYOTLAR RO‘YXATI..............................-50

ILOVALAR................................................................................................-52


KIRISH

Mavzuning dolzarbligi. Mamlakatimizda jismonan sog‘lom va barkamol avlodni tarbiyalash, yoshlarning o‘z ijodiy va intellektual salohiyatini ro‘yobga chiqarishi, mamlakatimiz yigit-qizlarini XXI asr talablariga to‘liq javob beradigan har tomonlama rivojlangan shaxslar etib voyaga yetkazish uchun har bir inson o‘z tarixini, milliy qadriyatlarini bilishi zarur.

Xalqning madaniy qadriyatlari, ma’naviy merosi ming yillar mobaynida Sharq xalqlari uchun qudratli ma’naviyat manbai bo‘lib xizmat qiladi. Uzoq davom etgan qattiq mafkuraviy tazyiqqa qaramay O‘zbekiston xalqi avloddan avlodga o‘tib kelgan o‘z tarixiy va madaniy qadriyatlarini saqlab qolishga muvaffaq bo‘ldi. Buyuk allomalarimizning hayoti, ijodi va ular qoldirgan bebaho madaniy-ma’rifiy meros yosh avlod uchun ibrat va namunadir. Ularning ta’limotlari yoshlarni ona-Vatanga, millatga sadoqat va hurmat ruhida tarbiyalashda, ularni iymon, e’tiqodli, insof va diyonatli, odob-axloqli, oqil va odil inson qilib tarbiyalashda, o‘zligini anglatishda benazir qadriyatdir.

Har bir xalq o‘z tarixini bilishi, kelajagini belgilashi kerakligi dunyo tajribasidan ma’lum. Shuning uchun ham O‘zbekiston Respublikasi Prezidenti Islom Karimov “O‘z tarixini bilmagan xalqning kelajagi ham bo‘lmaydi”, degan iborani bejiz aytmaganlar.

Prezidentimiz doimo: „O‘sib kelayotgan yosh avlod har tomonlama mukammal, irodali, sof vijdon bilan kamolga yetishi uchun, eng avvalo, ma’naviy-ma’rifiy faoliyatimizni yuksak darajaga ko‘tarishning ahamiyati beqiyos ulug‘dir", -deb ta’kidlaydi. Tabiiyki, bu talabni amalga oshirishda yosh avlod ma’naviy-ma’rifiy faoliyatining zaminini bilishi kerak, albatta.

Zero, „...bugungi kunda oldimizga qo‘ygan buyuk maqsadimizga, ezgu niyatlarimizga erishishimiz, jamiyatimizning yangilanishi, hayotimizning taraqqiyoti va istiqboli amalga oshirilayotgan islohotlarimiz, rejalarimizning samarasi taqdiri-bularning barchasi, avvalambor, zamon talablariga javob beradigan yuqori malakali, ongli mutaxassis kadrlar tayyorlash muammosi bilan chambarchas bog‘liqligini barchamiz anglab yetmoqdamiz..."

Zamon talablariga javob beradigan kadr chinakam ma’rifatli odam bo‘lishi uchun „...inson qadrini, millat qadriyatlarini, bir so‘z bilan aytganda, o‘zligini anglashi, erkin va ozod jamiyatda yashash, mustaqil davlatimizning jahon hamjamiyatida o‘ziga munosib obro‘li o‘rin egallashi uchun fidoyilik bilan kurashishi mumkin".